Sport • 30 Qarasha, 2022

Eýropadan jeńispen oraldy

68 ret kórsetildi

Shymkent qalasy ákiminiń birinshi orynbasary Shyńǵys Muqan men qalalyq deneshynyqtyrý jáne sport basqarmasynyń basshysy Baýyrjan Tumanbaev, sondaı-aq sport mektebiniń basshylary Ispanııanyń La-Nýsııa qalasynda bokstan ótken jastar arasyndaǵy álem chempıonatynan jeńimpaz bop oralǵan Elına Bazarova men estetıkalyq toptyq gımnastıkadan Grastaǵy (Aýstrııa) álem chempıonatynan 3-oryn ıelenip qaıtqan «Karmelıty» komandasynyń múshelerin áýejaıdan saltanatpen kútip aldy.

Ulttyq qurama sapynda óner kór­setetin shymkenttik arý, bylǵary qolǵap sheberi E.Bazarova 54 kılo sal­maqta jasóspirimder arasynda bokstan álem chempıony atandy.

Jerlesterin jelpintken jeńim­pazdardy Shymkent jurtshylyǵy jyly shyraımen qarsy aldy.

«Sonaý Ispanııa tórinen, alys­taǵy Aýstrııa jerinen elimizdiń atyn shyǵaryp, kók baıraǵymyzdy jelbi­retip qaıtqan arý sportshylardyń jeńisteri men júldeleri barsha shym­kenttik jankúıerdi erekshe qýantyp otyr. Álbette sport salasynda je­tis­tikke jetken osyndaı jastardyń isine súısinetin, solar sekildi bıikke um­­tylýǵa, elikteýge talpynatyn za­man­dastarynyń ortadan tabylary haq. Sondyqtan bul jeńister alda kútip turǵan budan da úlken saıystarǵa jol ashatynyna senemiz. Shymkent qalasynyń sportyn álemdik jarysta olja salý arqyly bir saty joǵary kótergen órenderge alǵysymyz shek­siz. Keleshekte áli talaı sporttyq báse­keler bolady. Sol jarys­tarda taǵy da Sizderdi júldeli orynnan kóre­miz degen úmittemiz. Shym­kenttik sportshylardyń álemdik sport arenasynda júldesiz qaıtpaýy me­gapolıs­te bul salaǵa kóńil bólinip jatqanyn bildiredi jáne aldaǵy ýaqytta da buqaralyq jáne kásibı sportqa jasóspirimder men jastardy baýlý isi qarqynyn kúsheıtpese, kemitpeıdi. Jas órenderdi sportqa tartý, elimizdiń atyn shyǵarar túrli ja­rystarǵa daıyndaý máselesi ár­daıym basty nazarda turady», dedi qut­tyqtaýmen birge aqjarma tilegin qosa jetkizgen qala ákiminiń birinshi orynbasary Sh.Muqan.

Aıta ketý kerek, E.Bazarova álem chempıonatynda tórt kezdesý ótkiz­gen. Sonyń bárinde de qarsy­­las­taryn aıqyn basymdyqpen jeńip shyqty. Fınaldyq kezdesýde ger­manııalyq Kýsohrıstoý Krı­so­va­lan­týmen judyryqtasyp, jiger men sheberliginiń arqasynda j­e­ńiske jetti. Osylaısha, bapkeri men jankúıerleriniń úmiti aqtaldy. Al jalpy osy dodada qazaq eli­nen bar­ǵan boksshylarymyz 7 medaldy qan­jyǵalaryna baılap, jal­pyko­mandalyq esepte úshinshi oryndy alyp qaıtty.

О́z kezeginde estetıkalyq toptyq gımnastıkadan álem chempıonaty da óte tartysty ótti. Básekesi joǵary sportta Qazaqstan quramasy sapynda Elına Kan, Saıda Patshahan, Aıda Jaqsybek, Sánııa Turdybaı, Sabına Elýbaeva sekildi órender saıysqa túsip, júldeli oryn úshin talasta nátıje shyǵara bildi.

 

ShYMKENT

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar