Budan buryn habarlanǵandaı, Senat depýtattary «Geodezııa, kartografııa jáne keńistik derekteri týraly», sondaı-aq «Qazaqstan Respýblıkasynyń keıbir zańnamalyq aktilerine geodezııa, kartografııa jáne keńistiktik derekter máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zań jobalaryn eki oqylymda qarap, qabyldaǵan bolatyn.
Baǵdat Mýsınniń aıtýynsha, zań jobasynyń ereksheligi – ulttyq keńistiktik derekter ınfraqurylymyn (NSDI) qurý, onda bir platformada keńistiktik derekter biryńǵaı formatta jáne senimdi, ýaqytyly ári tıimdi paıdalaný úshin biryńǵaı talaptarǵa sáıkes qurylady.
«Ulttyq keńistiktik derekter ınfraqurylymy – elimizdiń sıfrlandyrýynda mańyzdy ról atqaratyn geodezııa jáne kartografııa salasynyń tarıhyndaǵy alǵashqy aýqymdy joba. NSDI ózekti keńistiktik derekterdi birizdendirýge, ázirleýge jáne qoldaýǵa, sondaı-aq ár túrli kadastrlar men aqparattyq júıelerdi bir aqparattyq keńistikke biriktirýge múmkindik beredi. Bul jańartý prosedýrasyn avtomattandyrýdy qamtamasyz etedi. Osylaısha, jer betinde jańadan paıda bolǵan nysan meıli ol úı bolsyn, meıli jol bolsyn ony jańartý kezinde kartada paıda bolady», dep túsindirdi Baǵdat Mýsın zań jobasyn.
