Boljam boıynsha, Qazaqstannyń basym bóliginde atmosferalyq fronttardyń ótýimen turaqsyz aýa raıy saqtalady, qar jaýady. Tek elimizdiń batysynda aýa raıy negizinen jaýyn-shashynsyz bolady. Respýblıkanyń soltústik-batysynda, soltústiginde, shyǵysynda jáne ortalyǵynda burqasynmen jel kúsheıedi, ońtústikte jáne ońtústik-shyǵysta tuman kútiledi.
«Túnde batysta aýa temperatýrasy 10-22 gradýs aıaz, ońtústik-batysta 3-15 gradýs aıaz, soltústik-batysta jáne soltústikte 20-30 gradýs aıaz, ortalyqta 13-22 gradýstan 20-30 gradýsqa deıin tómendeıdi. Elimizdiń shyǵysynda 25-34 gradýs aıaz, respýblıkanyń ońtústiginde, ońtústik-shyǵysynda 5-15 aıaz, taýly aımaqtarda 15-20 aıaz bolady», delingen habarlamada.
