Ekonomıka • 02 Jeltoqsan, 2022

Qaptalǵan sý men sýsyndar endi tańbalanbaıdy

122 ret kórsetildi

Keshe Premer-Mınıstrdiń orynbasary – saýda jáne ıntegrasııa mınıstri Serik Jumanǵarın «Atameken» Ulttyq Kásipkerler palatasynyń alańynda bıznespen tańbalaý máselelerin talqylady, dep habarlaıdy Egemen.kz mınıstrliktiń baspasóz qyzmetine silteme jasap.

Talqylaý barysynda zergerlik buıymdardy, qaptalǵan sý men sýsyndardy, aıaq kıimdi tańbalaý, farmasevtıkalyq taýarlardy tańbalaý máseleleri kóterildi.

Kezdesýde qaptalǵan sý men quramynda qant bar sýsyndardy tańbalaýdyń pılottyq jobasy qorytyndylandy. Jobaǵa 13-ke jýyq kásiporyn qatysty.

«Pılottyq jobanyń qorytyndysy boıynsha tańbalaýǵa arnalǵan jabdyqtardyń, baspahanalardyń bolmaýy, kontrafaktiniń bolýy, sondaı-aq óndirýshilerge qarjylyq júkteme saldarynan shyǵarylatyn ónimniń qymbattaýy syndy birqatar kemshilik anyqtaldy. Talqylaý nátıjeleri boıynsha bıznes-qoǵamdastyqpen el ishinde mindetti tańbalaýdy engizýdiń orynsyzdyǵy týraly sheshim qabyldandy», dedi Serik Jumanǵarın.

Esterińizge sala keteıik, taýarlardy sıfrlyq tańbalaý júıesin engizýdiń negizgi maqsattarynyń biri kóleńkeli ımportqa qarsy kúres boldy. Statıstıka derekteri boıynsha, Qazaqstanǵa aıaq kıim ımporty 34,8% - ǵa, 2019 jylǵy 39,5 mln juptan 2021 jyly 53,2 mln jupqa deıin ulǵaıdy. QR QM MKK derekteri boıynsha 2021 jyly aıaq kıim ákelýden kedendik bajdar men salyqtardy tóleý somasy 2019 jylmen salystyrǵanda eki esege ósip, 30 mlrd teńgeni qurady.

2022 jyldyń 8 aıynda kedendik bajdar men salyqtardy tóleý somasy 14 mlrd teńgeni qurady.

Mamandandyrylǵan dúkenderdegi aıaq kıim men bylǵary buıymdarynyń bólshek saýdasynan túsetin salyq túsimderi 2019 jylǵy 2,7 mlrd teńgeden 2021 jyly 7,9 mlrd teńgege deıin 2,9 esege jýyq ósti.

2022 jyldyń 8 aıynda salyq túsimderi 6,8 mlrd teńgeni qurady.

Aıta ketý kerek, búgingi tańda tańbalaý bıznes úshin jeńildikterdi eskere otyryp, tolyq kólemde jumys istemeıdi.

Talqylaý qorytyndysy boıynsha «Atameken» Ulttyq Kásipkerler palatasy tóralqasynyń tóraǵasy Raıymbek Batalov aıaq kıim men farmasevtıkalyq ónimderdi tańbalaý máseleleri boıynsha taǵy da jeke kezdesý uıymdastyrylatynyn atap ótti. Talqylaýǵa 20-dan astam bıznes jáne qaýymdastyq ókilderi qatysty.

Sońǵy jańalyqtar

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar