Kásipker jáne mesenat Zııa Talǵatov, óz kezeginde kompanııa qıyn jaǵdaıda qalǵan ekibastuzdyqtarǵa qoldan kelgenshe kómek kórsetýge óz úlesin qosý týraly sheshim qabyldap, shette qalmaıtynyn atap ótti.
- Qazir 500 dana jylytqysh qural tıelgen júk kóligi jolǵa shyqty.Bizdiń kompanııa qaıyrymdylyq jumystarymen belsendi túrde, jıi aınalysady. Jyl saıyn bıýdjetke halyqty áleýmettik qoldaý úshin, onyń ishinde mektepter, úıler, meshitter salýǵa jáne eldiń shalǵaı óńirlerindegi balalarǵa syılyqtar taratý maqsatynda shamamen 30 mıllıon teńge bólinedi. Eń qıyn saǵatta adamdardyń bir birin qoldap, bir múdde aıasynda birige alýy, tutas eldi eldiń birligin arttyryp, eldiń ishki rýhynyń myqty bolýyna septigin tıgizedi, - dep bólisti Zııa Talǵatov.
Sondaı-aq, bıznesmen logıstıka jáne kommýnıkasııa máselesinde Almaty oblysynyń ákimdigi qoldaý kórsetkenin atap ótti.
Búginde jylytý quraldary Ekibastuz qalasynyń turǵyndarynyń ótinimine sáıkes taratyldy. Ekibastuz qalasy ákiminiń orynbasary Marııam Malıkova atap ótkendeı, Baýyrjan Momyshuly men Máshhúr Júsip kóshesindegi kóppáterli úıdiń turǵyndaryna atalǵan jylytý quraldary taratylyp berildi.
