«Barlyq elde kedeıshilik bar. Absolıýtti kedeıshilik jáne salystyrmaly kedeıshilik bolady. Qazaqstanda salystyrmaly kedeıshilik. Jalaqy ósip, áleýmettik tólemder artyp, qajettilikter men baǵa ósýde. Bul árqashan osydan tómen bolatyn adamdar sanatyn kórsetedi. Kedeı el joq dep aıtý múmkin emes. Biraq der kezinde halyqqa qoldaý kórsetip, osy kedeıshiliktiń aldyn alýǵa bolady. Osy baǵytta kedeıshiliktiń aldyn alý úshin sıfrlyq karta jasadyq. Endi onyń saldarymen kóbirek kúresip jatyrmyz. Jumyssyz qalǵan otbasy múshesi jumys taba alady nemese áleýmettik járdemaqy alady», dedi mınıstr Májilistegi úkimet saǵatynda.
Tamara Dúısenova bilimsizdikten áleýmettik kómekti az alatyn otbasylardyń jaǵdaıyna da toqtaldy.
«Men oblystardyń birinde boldym: bir otbasy kópbalaly otbasy retinde aı saıyn shamamen 110 myń teńge járdemaqy alýy kerek edi. Olar bilmeı, 20 myń teńge kóleminde ataýly áleýmettik kómek alyp otyr. Endi taǵy da jumystar atqarylady. Qazaqstanda 200-den astam zań bar, adamdar óz quqyqtaryn, ne talap ete alatynyn bilýi kerek», dep túıindedi mınıstr.
Buǵan deıin Májilis depýtaty Jámılá Nurmanbetova aılyq eseptik kórsetkishti (AEK) qoldanýdan bas tartyp, áleýmettik tólemderdi biryńǵaı kórsetkish boıynsha esepteýdi usynǵan bolatyn.
