Astana men Afına áriptestigi

«Grekııa – bizdiń Ońtústik Eýro­p­adaǵy mańyzdy saıası jáne ekono­mıkalyq áriptesterimizdiń biri. Bıyl biz dıplomatııalyq qaty­nas­tardyń 30 jyldyǵyn atap ótip otyr­myz. Nıkolaos Den­dıas myr­za ekeýimiz ashyq­tyq pen to­lyq ózara túsinistik rýhynda saıası jáne saýda-ekono­mıkalyq sala­lard­aǵy eki­jaq­ty qarym-qatynas­tar­dyń bolashaǵyn, sondaı-aq halyq­aralyq uıymdar aıasyndaǵy yntymaqtastyqty talqyladyq.

Bıyl ekijaqty saýda-ekono­mı­kalyq jáne gýmanı­tarlyq ynty­maq­tastyqtyń serpindi bolǵanyn atap ótkim keledi. Grekııa – bizdiń negizgi saýda áriptesimiz. 2022 jyldyń on aıy ishinde Qazaqstan men Grekııa arasyndaǵy taýar aınalymy 1,4 mlrd dollardy qurady. Bul ótken jyldyń uqsas kezeńimen salystyrǵan­da 28 paıyzǵa artyq», dedi M.Tileýberdi.

Syrtqy ister mınıstriniń aıtýynsha, 20 maýsymda jańa ekonomıkalyq alań – Qazaq­stan-Grek Isker keńesi óz ju­mysyn bastady. Bul isker toptardyń ózara tıimdi qarym-qatynas ornatýǵa degen qyzyǵýshylyǵynyń artyp otyrǵanynyń dáleli.

«Sonymen qatar «Eır Astana» bıyl jazǵy týrıstik maý­­symda Almaty men Irak­lıon ara­synda tikeleı reıs ashyp, kóp­te­gen Qazaqstan azamattary Gre­kııanyń Krıt aralynda de­malýǵa múmkindik aldy. Eko­no­mıkalyq jáne tehnolo­gı­ıa­lyq yntymaqtastyq jónin­degi Qazaqstan-Grekııa úkimet­aralyq komıssııasynyń 5-otyrysy bıylǵy ekijaq­ty ynty­maqtastyqta taǵy bir mańyzdy oqıǵa boldy. Otyrys hattamasy taraptardyń saý­da, ekonomıka, ınvestısııa, energetıka, kólik, bilim jáne ǵylym salalaryn­daǵy qarym-qatynastardy odan ári damytý jónindegi negizgi ýaǵdalastyqtaryn bekitti.

Grekııanyń ókildi delegasııasy Úkimetaralyq komıssııa otyry­symen qatar Jahan­dyq ınves­tı­sııalar jónindegi dóńgelek ústel jumysyna da qatysyp, agroónerkásiptik keshen salasyn­daǵy yntymaqtas­tyq, sondaı-aq ınvestısııalyq ózara is-qımyl týraly ekijaqty qujattarǵa qol qoıdy», dedi M.Tileýberdi.

Vedomstvo basshysy Qazaq­­standa turatyn grek dıas­pora­syn halyqtar men mem­le­ket­terdi baılanystyratyn kópir­ge teńedi. Máselen, Qazaq­standa grek dástúrleri men ádet-ǵu­ryptaryn qoldaıtyn 17 aımaq­tyq qoǵamdy qamtıtyn «Fılııa» Qazaqstan grek qoǵam­dary assosıasııasy jumys isteıdi.

«25 qarashada Grekııanyń Aharna qalasynda Qazaqstan men Grekııa arasyndaǵy dıplo­matııa­lyq qarym-qatynastyń 30-jyldyǵyna oraı eskertkish orna­tyldy. Elderimizdiń syrt­qy saıası mekemeleri arasynda dıplomatııalyq qyzmetkerlerdi daıar­laý salasyndaǵy yntymaq­tastyq týraly memorandýmǵa qol qoıdyq.

Jalpy, kelissózderdiń nátı­jeleri elderimiz arasyndaǵy ózara tıimdi yntymaqtastyqty tolyq ulǵaıtyp, keńeıtýge degen ózara múddeni rastady. Dendıas myrzanyń Qazaqstanǵa resmı sapary Astana men Afına ara­syndaǵy ekijaqty jáne kóp­jaqty formattaǵy jan-jaqty ynty­maqtastyqty odan ári tereń­detýge qosymsha serpin beretinine senimdimin», dedi M.Tileýberdi.

О́z kezeginde Nıkolaos Den­dıas Qazaqstan Grekııa men bar­lyq Eýropalyq odaq úshin senimdi energetıkalyq serik­tes dep málimdedi. Son­daı-aq aımaqtaǵy kólik ınfraqury­lymyn damytý boıynsha da talqylaý júrgenin habarlady.

«Qazaqstan men Eýropalyq odaq ara­syndaǵy qarym-qaty­n­as­tyń mańyzyna toqtal­dyq. Grekııa bul baǵyttaǵy yn­ty­maq­tas­tyqtyń ári qaraı damýy­na kúsh salýǵa nıetti. Son­daı-aq biz keńeıtilgen serik­tes­tik pen yntymaqtastyq týra­ly kelisim­niń kúshine enýin qup­taı­myz», dedi Nıkolaos Dendıas.

Sondaı-aq N.Dendıas Aqtaý qalasynda Grekııa konsýldyǵyn ashýǵa kómekteskeni úshin el Úkimetine alǵys bildirdi.

«Grekııa men Qazaqstan bir-birinen alys qashyqtyqta orna­las­qan. Biraq aramyzdaǵy dostyq qarym-qatynas óte joǵary ma­ńyzǵa ıe. Qazaqstanda 10 myń grek ultynyń ókili tursa, Grekııada myńdaǵan qazaq­standyq turady. Bul bizdiń berik dostyǵymyzdyń nátıjesi dep bilemin. Sonymen birge Qazaqstan Úkimetine rızashyl-yǵymdy bildirgim keledi. Budan ári qaraı da yntymaqtastyq baılanysymyzdy BUU arqyly júrgizemiz degen úmittemin», dedi Grekııa Syrtqy ister mınıstri.