Aımaqtar • 06 Jeltoqsan, 2022

Ekibastuzdaǵy jaǵdaı: Qalany qalpyna keltirý jumystary jalǵasýda

97 ret kórsetildi

Ekibastuz qalasynyń 6, 5a jáne 5b shaǵyn aýdandarynda jylý jelileri qatyp qalǵan úılerge jylý berýdi qalpyna keltirý jumystary jalǵasýda, dep habarlaıdy Egemen.kz.

Apatty joıý jónindegi shtab basshysy – QR Premer-Mınıstriniń birinshi orynbasary Roman Sklıardyń habarlaýynsha, 6 jeltoqsan kúni saǵat 08.00-degi jaǵdaı boıynsha kireberisterdi jylýǵa qosý jumystary 4 úıde júrgizilip jatyr. Bul jumystardy búgin aıaqtaý josparlanǵan. Zardap shekken nysandarǵa bekitilgen kásiporyndar táýlik boıy ınjenerlik kommýnıkasııalardy qalpyna keltirý jumystarymen aınalysýda.

6 jeltoqsan kúni tańǵy saǵat 04:30-da №6 shaǵyn aýdandaǵy oramishilik jylý jelisinde qubyr jaryldy (jylý qubyryn buratyn STP 63, dıametri 159). Oǵan jóndeý brıgadalary jiberildi. Osyǵan baılanysty Baýyrjan Momyshuly kóshesindegi 42, 54, 46, 44, 48, 50, 52 jáne Máshhúr Júsip kóshesindegi 59, 61, 65, 57a, 63, 63A, 63B, 67A turǵyn úılerine ystyq sý berý qysqa ýaqytqa toqtatyldy, qubyrdy saǵat 14:00-de deıin jóndeý kózdelgen.

Esterińizge sala keteıik, Ekibastuzda barlyǵy 689 kópqabatty úı bar. Jóndeý-qalpyna keltirý jumystaryna 851 adam jumyldyrylǵan.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar