Taraptar kezdesý barysynda ekijaqty yntymaqtastyq deńgeıin joǵary baǵalady jáne halyqaralyq kún tártibindegi negizgi máselelerge ortaq kózqarastar men halyqaralyq uıymdar aıasynda ózara nátıjeli is-qımyl bar ekenin atap ótti.
«Qazaqstan depýtattary Lıtva parlamentshilerimen ekijaqty, sondaı-aq kópjaqty negizderde, onyń ishinde EQYU Parlamenttik Assambleıasy men Parlamentaralyq Odaq aıasyndaǵy baılanystardy damytýǵa múddeli bolyp otyr. Biz ekijaqty ózara tıimdi yntymaqtastyqty odan ári damytýǵa járdemdesýge daıynbyz. Tranzıt-kólik salasy – osy yntymaqtastyqtaǵy mańyzdy baǵyttarynyń biri. Bul turǵyda Sizderdiń elderińiz qazaqstandyq taýarlardy ilgeriletý úshin erekshe yqylas týǵyzady», dedi Asqar Shákirov.
Memleket basshysy Qasym-Jomart Toqaevtyń eldi odan ári demokratııalandyrýǵa jáne azamattardyń memleketti basqarýǵa qatysýyn keńeıtýge baǵyttalǵan aýqymdy saıası jańǵyrtý baǵdarlamasy týraly sheteldik dıplomat habardar etildi.
Gabrıelıýs Landsbergıs Qazaqstanda júrgizilip jatqan strategııalyq reformalardy joǵary baǵalady jáne Lıtvanyń jan-jaqty yntymaqtastyqty, onyń ishinde parlamentaralyq baılanystardy odan ári damytýǵa ázir ekenin jetkizdi.
