Saıası maman daıarlaý baǵdarlamasy

Qazaqstannyń ár óńirinen kon­kýrs­tyq negizde iriktelip alyn­­ǵan 50 qatysýshy bir apta ishin­de qarqyndy oqý kýrsynan ótti. Bul – kópshilik aldynda sóz sóıleý, saıası kommýnıkasııa, jobalardy basqarý, kóshbasshylyq boıynsha trenıngter, sondaı-aq Qazaqstannyń qazirgi saıası qurylymy týraly dárister.

Dáristiń sońǵy kúninde «Amanat» partııasynyń atqarý­shy hatshysy Ashat Oralov qatysý­shy­larmen kezdesip, mekteptiń basty mindetteri, maman daıarlaý máselesine qatysty kózqarasymen bólisti.

– Memleket basshysy Qasym-Jomart Toqaevtyń tapsyrmasyna sáıkes bıyl naýryz aıynan bas­tap akademııa saıası mamandardy daıar­laý isiniń jańa tásilderin engize otyryp, óz jumysyn túbegeıli ózgertti. Budan bylaı mamandar tek onlaın rejimde ǵana emes, sonymen qatar oflaın formatta da oqytylady. Negizinen, oqý jumysy óńirlerde ótkiziledi. Mysaly, saılaý aldynda akademııa bazasynda 30 myńnan astam baıqaýshy oqytyldy. Buǵan deıin biz eki myńnan astam aýyl ákimin oqyttyq. Kóshbasshy áıel­derge arnalǵan «Tomiris» sabaq baǵ­dar­lamasyn iske qostyq. Oqytý prosesi toqtamaıdy. Par­tııa­lyq­tardyń úzdiksiz damýyna, zamanaýı bilimge, daǵdyǵa ıe bolýyna múddelimiz, – dedi Ashat Oralov.

Oqý baǵdarlamasyna Semeı qalasynan kelip qatysqan Qorlan Týǵambaeva alǵan bilimi bolashaqta ózine mansap qurýǵa kómektesedi dep sanaıdy.

– Oqý barysynda kásibı trenerler, belgili saıası, qoǵam qaıratkerleri óz tájirıbesimen bólisti. Olar qazirgi ýaqytta jas saıa­satkerdiń boıynda qandaı qa­sıetter bolýy kerek ekenin tú­sin­­dirip, kópshilik aldynda qa­laı sóılegen durys degen taqy­ryp tóńireginde óz oıyn jetkizdi, – dedi ol.

Raýan Baıǵabyl esimdi Alma­ty­dan kelgen qatysýshy da joba týraly óz pikirin bildirdi.

– Sabaq óte qyzyqty formatta ótti. Biz birneshe topqa bólinip, ártúrli taqyryp boıynsha tapsyrma oryndadyq. Elimizdiń saıası qurylymy jáne onda bolyp jatqan reformalar týraly qyzyqty dárister tyńdadyq, – dedi ol.

Jobaǵa qatysýshylar Parla­ment Májilisinde bolyp, depýtat­tar­men, partııa fraksııasynyń múshelerimen kezdesti.

Buǵan deıin, jobaǵa qatysý­shylar Oqý-aǵartý mınıstri Ashat Aı­maǵambetovpen kezdes­ti. Sala basshysy mınıs­tr­lik qyzmetiniń negizgi baǵyt­ta­ryn túsindirip, Qasym-Jomart Toqaevtyń saılaýaldy baǵdar­la­ma­synyń bilim berý salasyn iske asyrý jumysyna egjeı-tegjeı toqtaldy.