Oqıǵa • 07 Jeltoqsan, 2022

Shýda polısııa qyzmetkerlerine shabýyl jasaǵandar sottaldy

100 ret kórsetildi

Bıyl 7 mamyrda Jambyl oblysynyń Shý aýdanynda polısııa qyzmetkerlerine qarsylyq kórsetip, shabýyl jasaǵandarǵa qatysty sot úkimi shyqty, dep habarlaıdy Egemen.kz.

«Shý aýdandyq sotynyń 2022 jylǵy 6 jeltoqsandaǵy úkimimen segiz turǵynǵa qatysty 3 jyldan 8 jyl 2 aıǵa deıingi merzimge bas bostandyǵynan aıyrý jazasy taǵaıyndaldy», dep jazylǵan IIM taratqan habarlamada.

Esterińizge salsaq, 7 mamyr túngi saǵat 1:30 shamasynda Shý qalasyndaǵy vokzal mańyndaǵy alańda polısııa qyzmetkerleri memlekettik belgisi joq VAZ 2114 avtokóligin toqtatqan edi. Qujattardy kórsetýdi suraǵanda júrgizýshi men kólikte bolǵan belgisiz adam polısııa qyzmetkerleriniń talabyn oryndaýdan bas tartqan. Olar polısııaǵa qarsylyq kórsetip, shabýyl jasaı bastaǵan. Sonymen qatar jaqyn mańdaǵy kafe men alańnan bir top adam jınalyp, qoǵamdyq tártipti óreskel buza otyryp, polısııa qyzmetkerlerine dene jaraqatyn keltirip, qarýlaryn tartyp almaqshy bolǵan.

Atalǵan derek boıynsha QR QK-niń 380-baby 3-bóligimen sotqa deıingi tergeý amaldary júrgizilip, is materıaldary úkim shyǵarý úshin sotqa joldanǵan bolatyn.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar