Otandyq azamattyq avıasııa qyzmetinde ushý qaýipsizdiginiń deńgeıin odan ári kúsheıtýge baılanysty negizgi maqsattarǵa qol jetkizý boıynsha jumys josparly túrde oryndalyp keledi.
Bıyl atalǵan saladaǵy jetistikter jolaýshylar tasymalynyń ulǵaıýynan baıqalady. Bıyl 10 aıda qazaqstandyq áýe kompanııalar shamamen 9 mln adamdy tasymaldady, bul 2021 jyldaǵy kórsetkishten 16%-ǵa (7,7 mln jolaýshy) kóp. Mysaly, Air Astana kompanııasynda jolaýshylar aǵyny shamamen 3,4 mln adamǵa, FlyArystan kompanııasynda 2,6 mln adamǵa jýyqtap, sondaı-aq SCAT kompanııasynda jolaýshylar sany 2,4 mln-ǵa jáne Qazaq Air-da 500 myń adamǵa ósken.
Indýstrııa jáne ınfraqurylymdyq damý mınıstri Qaıyrbek О́skenbaevtyń tapsyrmasy boıynsha qazaqstandyq áýe kemelerdiń parki 2025 jylǵa deıin 51 ushaqpen tolyqtyrylady.
Osy jyly otandyq avıakompanııalardyń parki 10 jańa ushaqpen tolyqty. Máselen, SCAT kompanııasynyń áýe kemeler parki 5 ushaqpen tolyqsa, Fly Arystan 3 ushaq jáne Air Astana 2 áýe kemesin satyp aldy. Jyl sońyna deıin taǵy 4 jańa ushaq paıdalanýǵa beriledi. Azamattyq avıasııa ushaqtarynyń jańarýy reısterdiń keshigýin azaıtýǵa, tasymaldaý syıymdylyǵyn arttyryp, jolaýshylarǵa qyzmet kórsetý sapasyn jaqsartýǵa, sondaı-aq qazaqstandyq áýe tasymaldaýshylardyń ushý geografııasyn keńeıtýge múmkindik beredi.
