Qazaqstan • 07 Jeltoqsan, 2022

Qazaqstanǵa kelgen týrıster sany 3,6 ese ósti

79 ret kórsetildi

2022 jyldyń 9 aıynda 5,5 mıllıon qazaqstandyq shetelde demalyp, 3,4 mıllıon adam basqa elderden Qazaqstanǵa demalýǵa kelgen, dep habarlaıdy Egemen.kz Ulttyq statıstıka bıýrosynyń baspasóz qyzmetine silteme jasap.

«О́tken jyldyń 9 aıymen salystyrǵanda shetelge demalýǵa barǵandar sany 2,2 esege, Qazaqstanǵa demalýǵa kelgender sany 3,6 esege ósken. Bul rette ishki týrıstik baǵyttarǵa kelýshiler sany 25,1%-ǵa artyp, bıylǵy jyldyń qańtar-qyrkúıek aılarynda jergilikti sulýlyqty 4,8 mln adam tamashalady. Kelýshilerge 3965 demalys orny daıyndaldy, onda 84 416 bólme bar. Ol jerde 5,4 mıllıon adam demalyp, 129 183,2 mıllıon teńgege qyzmet kórsetti», delingen habarlamada.

Statıstıkalyq málimetterge sáıkes, ornalastyrý oryndarymen kórsetilgen qyzmet kólemi (meıramhana qyzmetterin qospaǵanda) ótken jylmen salystyrǵanda 54,5%-ǵa ósken.

Sondaı-aq Ulttyq statıstıka bıýrosy bıylǵy jyldyń 9 aıynda kýrorttyq aımaqtarǵa 2,4 mıllıon qazaqstandyq jáne 317,2 myń sheteldik týrıst kelgenin atap ótti.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar