Atap aıqanda, 11 jeltoqsan kúni saǵat 17.00-de E.Rahmadıev atyndaǵy memlekettik akademııalyq fılarmonııasynda «Ave MARIA» aspaptyq jáne vokaldyq, kameralyq mýzyka konserti ótedi. «Jastar» saraıynda 8 jáne 9 jeltoqsanda saǵat 20.00-de «Astana» estradalyq-sımfonııalyq orkestriniń qatysýymen «2000 Hits» konserttik baǵdarlamasy uıymdastyrylady. 10 jeltoqsanda osy ǵımaratta «Bılep ómir súr» atty balalar horeografııalyq baıqaýy ótedi.
10 jáne 11 jeltoqsanda elordalyq sırk aǵaıyndy Gertnerdiń «DER ELEFANT» nemis sırkiniń baǵdarlamasyna shaqyrady. Qoıylymnyń bastalýy – saǵat 16.00-de.
Sáken Seıfýllın murajaıynda osy aptada Ahmet Baıtursynulynyń 150 jyldyǵyna arnalǵan «Ult ustazy – Ahmet Baıtursynuly» kórmesi ótip jatyr. Sonymen qatar atalǵan murajaıdan 9-13 jeltoqsan aralyǵynda jazýshy Ázilhan Nurshaıyqtyń 100 jyldyǵyna arnalǵan «Ázilhan Nurshaıyqtyń álemi» kórmesin tamashalaýǵa bolady.
10 jeltoqsanda M.Gorkıı atyndaǵy memlekettik akademııalyq orys drama teatry jas astanalyqtardy M.Bartenevtiń «Aqshaqar» ertegisine shaqyrady. Al keshke saǵat 18.00-de R.Baerdiń «Aralas sezim» melodramasyn qoıady. 9-11 jeltoqsan aralyǵynda elordalyq qýyrshaq teatrynda G.H.Andersenniń ózine attas ertegisi negizinde A.Salaevanyń «Taǵy da kishkentaı sý perisi týraly» qoıylymy kórsetiledi. «Jastar» teatry bul aptany premeradan bastaıdy: 8 jeltoqsanda L.Egemberdıevanyń «Muń» melodramasymen óner kórsetedi. Al 11 jeltoqsanda «Alǵashqy mahabbat» komedııasyn kórsetedi.
