Oqıǵa • 08 Jeltoqsan, 2022

Petropavl turǵynynan kontrafaktili alkogol ónimderi tárkilendi

57 ret kórsetildi

Petropavlda polıseıler jer úıdiń aýlasynan 1700 lıtrden astam kontrafaktili alkogol ónimderin tárkiledi, dep habarlaıdy Egemen.kz Polisia.kz-ke silteme jasap.

Soltústik Qazaqstan oblysy Polısııa departamentiniń Uıymdasqan qylmysqa qarsy kúres basqarmasy jedel aqparatty tekserý barysynda Petropavldyń jumysshy kentinde kontrafaktili ónimniń taǵy bir qoımasyn anyqtady.

61 jastaǵy jergilikti turǵynnyń qora-qopsysynan ártúrli markaly aksızdenbegen 4 myń qorap temekimen birge 1735 lıtr araq pen konıak, odan bólek osy ishimdikterdi jasyryn jasaıtyn spırt tárkilendi.

Alynǵan ónimniń úlgileri saraptamaǵa jiberildi. Zańsyz kásipkerlikpen aınalysý faktisi boıynsha QR Ákimshilik quqyq buzýshylyq týraly kodeksiniń 463-baby boıynsha materıal jınaldy.

– Zańsyz ónim Ekonomıkalyq tergeý departamenti qyzmetkerleriniń ýchaskelik polısııa ınspektorlarymen birlesip júrgizgen jumysy nátıjesinde tárkilendi. Qazirgi ýaqytta tárkilengen ónimniń qaıdan alynǵany jáne ótkizý joldary anyqtalýda. Sapasyna eshkim kepildik bermeıtin zańsyz spırt ónimin paıdalaný densaýlyqqa qaýipti ekendigin eskertemiz. Budan bólek, spırttik ishimdikter aýyr qylmystardyń jasalýyna sebep bolady, – deıdi SQO PD bastyǵynyń orynbasary Rýslan Nazarov.
 

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar