Tótenshe jaǵdaı kezinde jarylǵan úıishilik qubyrlar men regıstrlerden ystyq sý atqylap, júzden astam páter qatty búlingen edi.
«OAEK» AQ basqarma tóraǵasynyń orynbasary Leonıd Iаnýshkonyń aıtýynsha, 12 jeltoqsannan bastap kásiporynnan jalpy sany 70 adam búlingen páterlerdi jóndeýge shyǵady.
«Aıazda qatyp, keıin jylý qosa bastaǵanda jarylǵan batareıalar men páteraralyq qubyrlardan aqqan ystyq sý páterlerdiń tusqaǵazdaryn, edeni men tóbesin, turmystyq tehnıkalaryn, jıhazdaryn búldirgen. Biz eń áýeli jóndeýdi qajet etip turǵan 50 páterge jóndeý júrgizip bermekpiz. Apat kezinde sýyqtan ábden tıtyqtap qalǵan adamdardyń jaıly ómir súrýin nazarymyzda ustap otyrmyz. Dúısenbiden bastap bizdiń brıgadalarymyz páterlerge kire bastaıdy. Al tótenshe jaǵdaı ýaqytynda zaqymdanǵan ózge páterlerdiń shyǵyndary qazir eseptelip jatyr. Barlyǵy esepke alynyp, qorytyndylanǵan soń páter ıelerimen shyǵynnyń ornyn toltyrý boıynsha esep aıyrysamyz», dep atap ótti L.Iаnýshko.
