Vıktor Kýmykov qasqyrlardyń jankúıerlerine etene tanys. Ol buǵan deıin de qyzylordalyq klýbta jumys istegen. Atap aıtsaq, 2004 jyly reseılik maman «Qaısardyń» tiziginin ustap, Syr jankúıerlerin jeńispen qýantqan edi. Sondaı-aq Vıktor bapker «Elimaı», «Esil», «Shahter», «Ordabasy», «Atyraý», ózbekstandyq «Mashal», «Nasaf», «AGMK», «Andıjan» klýbtaryn jattyqtyrǵan. Qazaqstan fýtboly tarıhynda tuńǵysh ret «Shahterdi» Eýropa lıgasynyń toptyq kezeńine jetkizdi. Úsh márte Qazaqstannyń úzdik bapkeri atansa, «Shahter» fýtbol klýbymen eki dúrkin premer-lıga jeńimpazy, bir márte Qazaqstan kýbogy men sýperkýbogynyń ıegeri boldy. 2008 jyldan beri PRO kategorııaly jattyqtyrýshy.
– Qyzylorda meniń ystyq uıam desem bolady. 20 jyldan keıin qaıta oralýǵa múmkindik aldym. Aımaq basshysy, Syr jankúıerleri senim artyp, jaýapty qyzmettiń tizginin ustatty. «Qaısardyń» alǵa qoıǵan maqsatyn júzege asyrýda aıanyp qalmaımyn. Alda úsh oqý-jattyǵý jıynyn ótkizip, chempıonatqa tyńǵylyqty daıyndyq júrgizemiz, – dedi Vıktor Kýmykov.
