Polısııa departamenti baspasóz qyzmetiniń habarlaýynsha, osy ýaqyt aralyǵynda 200 zańsyz eńbek mıgranty anyqtalǵan.
Tártip saqshylary zań talaptaryn kóbine qurylys kompanııalary men aýylsharýashylyq kásiporyndarynyń basshylary buzyp, sol úshin ákimshilik jaýapkershilikke tartylatynyn atap ótti.
«Qazaqstan aýmaǵynda jumysqa ornalasý úshin sheteldikterdiń tıisti ruqsaty bolýy kerek. Erekshelik - EEO elderiniń azamattary - Armenııa, Belarýs, Qyrǵyzstan jáne Reseı. Olar bir jylǵa deıin eńbek sharty boıynsha jumys isteı alady, keıin ony uzartý qajet bolady», dep eske aldy kóshi-qon qyzmeti basqarmasynyń basshysy Talǵat Ábilov.
Qazaqstan men Ázerbaıjan, Grýzııa, Tájikstan, О́zbekstan, Ýkraına jáne Moldova arasynda 30 nemese 90 kúnge deıin vızasyz bolý rejımi bar. Bul elderdiń rezıdentteri jeke tulǵalar úshin úıde jumys isteýge quqyly. Olar HQO-da 1 jylǵa deıin uzartý quqyǵymen 1, 2 nemese 3 aı merzimge jumys isteýge ruqsat alady.
