Tárkilengen qarýlardyń ishinde AK-47 avtomaty, Makarov tapanshasy, TOZ eki tegis uńǵyly myltyq, IJ, TOZ, Mossberg markaly 7 bir tegis uńǵyly myltyq, gaz-travmatıkalyq, gaz jáne travmatıkalyq tapanshalar, sondaı-aq PM-ge arnalǵan úsh oqjatar jáne 345 patron bar. Polısııa qyzmetkerleri Jambyl oblysy UQKD jedel tobymen birlesip Taraz qalasynyń shetinde beton plıtanyń astynan zaýyttyq nómirleri mehanıkalyq óshirilgen AK-47 avtomaty, 9 mm kalıbrli patrony bar Baıkal travmatıkalyq tapanshasy, 7,62 mm kalıbrli 20 patron tabylyp, tárkilendi.
Sonymen qatar 13 jeltoqsanda Baızaq aýdanyndaǵy Talas ózeni kópiriniń astynan skotchpen oralǵan gazet býmasy tabyldy. Onyń ishinde eki oqjatar jáne bes patrony bar 9 mm kalıbrli Makarov tapanshasy tabyldy.
Sol kúni Moıynqum aýdany Qylyshbaı aýylynyń shetinde ornalasqan sharýa qojalyǵynda 38 jastaǵy malshydan 12 mm kalıbrli IJ-18 bir tegis uńǵyly ańshylyq myltyq tabylyp, tárkilendi.
Barlyq qarýlarǵa sot-ballıstıkalyq saraptama taǵaıyndaldy. Jambyl oblysynyń Polısııa departamenti qarýdyń, oq-dárilerdiń, arnaıy quraldardyń ornalasqan jeri týraly habarlaǵan nemese ony polısııaǵa óz erkimen tapsyrǵan adam, eger basqa quqyq buzýshylyqtarǵa qatysy bolmasa, qylmystyq jáne ákimshilik jaýapkershilikke tartylmaıtynyn eske salady. Anonımdilikke kepildik beriledi.
