Jarysty aty ańyzǵa aınalǵan qazaqstandyq sportshy Ámen Tuıaqov, sondaı-aq, Mádenıet jáne sport vıse-mınıstri Serik Jarasbaev, Astana qalasy ákiminiń orynbasary Erlan Bekmurzaev jáne Jeńil atletıka federasııasynyń bas hatshysy Ashat Seısembekov resmı túrde ashty.
Týrnır baǵdarlamasyna erler men áıelder arasyndaǵy jeńil atletıkanyń 15 páni kirdi.
Medaldarmen, dıplomdarmen qatar júldegerlerge 100 000, 50 000 jáne 30 000 teńge mólsherinde aqshalaı syılyqtarǵa sertıfıkattar tabys etildi.
Birinshi halyqaralyq týrnırge Gonkong, Qyrǵyzstan, Tájikstan, Ýkraına jáne Qazaqstan sportshylary qatysty.
Aıta keteıik, Ámen Tuıaqovtyń júldesine arnalǵan týrnır 2022/2023 jylǵy qysqy jarys maýsymyn ashty. Bul Astanada halyqaralyq deńgeıde ótken jeńil atletıkadan alǵashqy jarystardyń biri.
