Búgingi tańda qalada 100 myńǵa jýyq bala tegin ystyq tamaqpen, qoǵamdyq kólikte tegin jol júrýmen qamtamasyz etilgen.
Bıyl 17 myńǵa jýyq bala jalpyǵa birdeı oqytý baǵdarlamasymen qamtyldy. Jyl basynan beri 4,2 myń otbasy ataýly áleýmettik kómek aldy, ol otbasylarda 13 265 bala bar.
«Erekshe bilim berý qajettilikteri bar balalar erekshe nazarda. Jyl saıyn psıhologııalyq-medısınalyq-pedagogıkalyq kabınetter sany artyp keledi. Jyl basynan beri ınklıýzııany qoldaý kabıneti, psıhologııalyq-pedagogıkalyq túzetý kabıneti, psıhologııalyq-medısınalyq-pedagogıkalyq konsýltasııa ashyldy. Elordada erekshe qajettilikteri bar 810 balany qamtıtyn «Invataksı» qyzmetiniń 80 avtokóligi jumys isteıdi», dedi Eset Baıken.
Sondaı-aq balalardyń densaýlyǵy da basymdyqtardyń biri bolyp sanalady. Elordada balalarǵa alǵashqy medısınalyq-sanıtarlyq kómek kórsetetin 37 medısınalyq uıym (16 memlekettik, 21 memlekettik tapsyrys aıasynda jekemenshik) jáne 3 balalar stasıonary (ınfeksııalyq, hırýrgııalyq, somatıkalyq) jumys isteıdi.
Jyl basynan beri erekshe qajettilikteri bar 3,9 myń bala ońaltý qyzmetterimen qamtyldy. 0-den 17 jasqa deıingi balalardy skrınıngtik tekserýlermen balalardyń 95%-y qamtyldy.
Qalanyń kópsalaly stasıonarlarynyń akýsherlik bloktary qajetti skrınıng júrgizý úshin jabdyqtarmen tolyq jabdyqtalǵan.
