Sapardyń birinshi kúni M. Tileýberdi men Ulybrıtanııa jáne Soltústik Irlandııa Birikken Koroldiginiń Syrtqy ister, Dostastyq jáne damý mınıstri Djeıms Kleverlı Qazaqstan-Brıtanııa Strategııalyq dıalogynyń 6-shy otyrysyn ashty. Otyrysqa Qazaqstan men Ulybrıtanııanyń beıindi mınıstrlikteri men vedomstvolarynyń ókilderi de qatysty.
Qazaqstan-Brıtanııa Strategııalyq dıalog 2013 jyly quryldy jáne ekijaqty jáne kópjaqty yntymaqtastyqtyń ózekti máselelerin qaraý, sondaı-aq áriptestiktiń jańa, perspektıvaly baǵyttaryn aıqyndaý úshin mańyzdy ınstıtýsıonaldyq platforma.
Jeke kezdesý barysynda syrtqy saıası vedomstvolardyń basshylary ekijaqty qatynastardyń barlyq keshenin talqylap, ózara qyzyǵýshylyq týdyratyn óńirlik jáne halyqaralyq máseleler boıynsha pikir almasty.
M. Tileýberdi Astana jáne London arasyndaǵy ózara senimniń joǵary deńgeıin atap ótti. Bul ártúrli salalardaǵy kópjosparly áriptestikti údemeli tereńdetýge yqpal etedi.
«Meniń saparym Qazaqstan men Ulybrıtanııa arasyndaǵy dıplomatııalyq qatynastardyń ornaǵanyna 30 jyl tolýyna oraı ótip jatqany sımvolıkalyq maǵynaǵa ıe. Osy kezeńde bizdiń strategııalyq áriptestigimizge sapaly serpin berý mańyzdy», dedi QR SIM basshysy.
Brıtandyq tarap úkimettik deńgeıde turaqty dıalogty saqtaý, sondaı-aq eki eldiń bıznes qaýymdastyqtary arasyndaǵy baılanystardy jandandyrý qajettigin atap ótti.
«Qazaqstan - elimizdiń Ortalyq Azııa óńirindegi asa mańyzdy jáne senimdi seriktesi. Biz brıtandyq-qazaqstandyq ózara is-qımyldy ártaraptandyrý úshin qolda bar barlyq múmkindikterdi paıdalanýǵa daıynbyz», dedi Dj.Kleverlı.
Buǵan jaqyn arada Qazaqstan men Ulybrıtanııa arasyndaǵy Strategııalyq áriptestik pen yntymaqtastyq týraly jańartylǵan kelisimge qol qoıý yqpal etýi tıis. Taraptar osy jyldyń 10 aıynda ótken jyldyń sáıkes kezeńimen salystyrǵanda 65,7%-ǵa joǵarylaǵan ekijaqty taýar aınalymynyń ósýin qanaǵattanýshylyqpen atap ótti.
Sondaı-aq QR SIM basshysy Qazaqstan Respýblıkasynyń Prezıdenti Qasym-Jomart Toqaevtyń Ádiletti Qazaqstandy qurýǵa baǵyttalǵan elimizde júrgizilip jatqan saıası jáne áleýmettik-ekonomıkalyq reformalary týraly habardar etti. M. Tileýberdi óziniń brıtandyq áriptesin Astanaǵa saparmen kelýge shaqyrdy. Forın ofıstiń basshysy shaqyrýdy qýana qabyl aldy.
Kezdesý qorytyndysy boıynsha Qazaqstan men Ulybrıtanııanyń syrtqy saıası vedomstvolary basshylarynyń Birlesken málimdemesi qabyldandy. Onda saıası, saýda-ekonomıkalyq, ınvestısııalyq jáne mádenı-gýmanıtarlyq salalarda, sondaı-aq energetıkalyq qaýipsizdik jáne klımattyń ózgerýine qarsy kúres salasynda ekijaqty strategııalyq áriptestikti damytýǵa ózara umtylys kórinis tapty.
Londonǵa saparynyń birinshi kúni QR SIM basshysy Ulybrıtanııa premer-mınıstriniń Saýda ókili baronessa Emma Nıkolsonmen, Brıtandyq-qazaqstandyq qoǵamdastyqtyń tóraǵasy Rýpert Gýdmanmen jáne brıtandyq resmı toptardyń ókilderimen kezdesti.
Sol kúni mınıstr M. Tileýberdi men qazaqstandyq delegasııa músheleriniń «Shell», «RioTinto» jáne «ERG International Group» iri brıtandyq jáne halyqaralyq kompanııalarynyń basshylarymen kezdesýleri ótti. Mıneraldy resýrstardy barlaý jáne óndirý, qazaqstandyq munaı eksportyn ártaraptandyrý perspektıvalary, jasyl energetıkany damytý jáne Qazaqstanda tushylandyrý jáne sý tazartý qurylystaryn salý máseleleri talqylandy.
Ulybrıtanııa Qazaqstannyń iri sheteldik ınvestorlardyń jeteýine jáne jetekshi saýda seriktesteriniń ondyǵyna kiredi. Búgingi tańda Qazaqstanda brıtandyq kapıtaly bar 600-den astam kompanııa tirkelgen, Ulybrıtanııadan Qazaqstan ekonomıkasyna tartylǵan ınvestısııalar kólemi 30 jyl ishinde 20 mlrd AQSh dollardan asty.
