Osydan bir aı buryn, ıaǵnı 23 qarashada Oral soty óndiristik isti toqtatqan bolatyn. Sýdıa taraptardyń ymyraǵa kelýge shaqyrǵan edi. Alaıda belgili zańger Baqytjan Bazarbek sottyń bul áreketin zańsyzdyq ekendigin alǵa tartyp otyr.
Búgin Oralda «Kýbleı» JShS kásiporny tarapynan Oral qalasy mamandandyrylǵan ekonomıkalyq sotynyń sýdıasy Baqtııar Jorabaevtyń ústinen túsken shaǵym boıynsha apellıasııalyq sot alqasynyń otyrysy ótti. Oǵan oblystyq sottyń sýdıasy Aıgúl Mashtaqova, «Kýbleı» JShS ókilderi men sotqa shaqyrylǵan jaýap berýshiler jáne úshinshi taraptyń ókilderi qatysty.
Sýdıa Aıgúl Mashtaqova sot otyrysyn ashqannan keıin taraptardyń pikirin bilý maqsatynda qatysýshylarǵa sóz berdi. «Kýbleı»JShS advokaty Baqytjan Bazarbek Oral qalasy mamandandyrylǵan ekonomıkalyq sotynyń sýdıasy Baqtııar Jorabaevtyń taraptardy ymyraǵa kelýi úshin óndiristik isti toqtatyp tastaýyn zańsyzdyq dep atady. Onyń sózinshe, Azamattyq is júrgizý kodeksiniń talaptary boıynsha pikirtalastan keıin sottyń óndiristik isti toqtatýǵa quqyǵy joq. Sýdıa sheshim shyǵarýy tıis bolǵan. Biraq qoǵamdaǵy rezonansqa baılanysty sot sheshim shyǵara almaǵan.
«23 qara kúni sýdıa Jorabaev sheshim shyǵarady dep úmittendik. Biraq ol keńesý bólmesine ketip,taraptardy tatýlasýǵa shaqyrdy. Ol 23 qazanda sheshim shyǵaryp tastaýy tıis edi. Alaıda ýaqyt sozdy. Onyń áreketi azamattyq prosessýaldyq is júrgizýge saı emes. Jorabaev QR Azamattyq prosessýaldyq is júrgizý kodeksiniń 273 babyn negizge alyp, ózara ymyraǵa kelýge shaqyrǵanyn aıtty. Bul jerde medıasııa bar, ymyra joq. Sondyqtan men qalaısha ymyra kelý kerektigin múldem elestete almaımyn jáne zańnyń talaby buzylǵan dep sanaımyn. О́ndiristik isti toqtatýǵa eshqandaı negiz joq. Ymyraǵa kelý týraly qaýlynyń kúshin joıyp, isti ekonomıkalyq sottyń qaraýyna jiberýińizdi suraımyn», dedi «Kýbleı» JShS zańgeri Jánibek Bashanov.
«Kýbleı» tarabynyń ustanymyn jaýap berýshi jáne úshinshi taraptar da qoldap, sýdıa Jorabaevtyń óndiristik isti toqtatý jónindegi sheshimin joqqa shyǵaryp, sot isin qaıta jalǵastyrýdy, sáıkesinshe, sot sheshimin shyǵarýdy talap etti. Taraptardyń pikirimen tanysqan sýdıa Aıgúl Mashtaqova aqyldasýdan keıin óz sheshimin jarııa etti. Onyń aıtýynsha, sýdıa Jorabaevtyń áreketinde zańsyzdyq derekteri joq. Máseleni beıbit jolmen sheshýge yntalandyrý maqsatynda sýdıa óndiristik isti toqtatýǵa quqyly. Alaıda bul jaǵdaıda sýdıa óndiristik isti 10 jumys kúnine ǵana toqtata alady.
«Bul merzim aıaqtaldy. Taraptardyń ymyraǵa kelip, máseleni beıbit jolmen sheshýge qarsy ekenine meniń kózim jetkendikten, sot isi ári qaraı jalǵasatyn bolady», dep qorytyndylady sózin sýdıa Aıgúl Mashtaqova.
Aldymen «Kýbleı» JShS ókilderi óndiris aýmaǵyna jaqyn jerden zańsyz qurylysnysandaryn salýǵa ruqsat bergen Oral qalasynyń ákimdigi men qalalyq jer qatynastary basqarmasyn sotqa bergenin eske sala keteıik. Ákimdiktiń ókilderi eki jyldan beri 30 jyldyq tarıhy bar alyp zaýyttyń janynan turǵyn úı turǵyzýǵa ne sebepti ruqsat bergenderine naqty dáıek taba almaı keledi. Osy zańsyzdyqtyń saldarynan zaýyt jabyla qalǵan jaǵdaıda, óndiris ornyndaǵy 700-ge jýyq adam jumyssyz qalsa, tek BQO 3,5 myńǵa jýyq iri sharýa qojalyqtary ósirip otyrǵan maldyń etin ótkizýden qaǵylmaq.
ALMATY
