Vıse-mınıstr elektromobılderge kóshýdi yntalandyrý jónindegi jol kartasynda kelesi is-sharalar kózdelgenin naqtylady:
- Gaz-motorly otynmen jáne elektr qozǵaltqyshtarymen jumys isteıtin qalalyq qoǵamdyq kóliktiń úzdiksiz jumys isteýi úshin qajetti ınfraqurylymmen qamtamasyz etilýine qaraı dızel otynymen jumys isteıtin avtokólik quraldaryn satyp alýdy kezeń-kezeńmen shekteý (jaýapty oryndaýshylar - Almaty jáne Astana qalalarynyń ákimdikteri);
- Elektromobılder úshin ınfraqurylymdy damytý jáne yntalandyrý is-sharalary (jaýapty oryndaýshy - Almaty jáne Astana qalalarynyń ákimdikteri);
- «Elektromobılder turaǵy» arnaıy belgisin ázirleý jáne elektromobılder úshin trotýar úlgisindegi aqyly avtoturaqtarda tegin turaq oryndaryn bólý (jaýapty oryndaýshylar - Almaty jáne Astana qalalarynyń ákimdikteri).
