Osy demalys kúnderi medısınadaǵy ózekti máselelerdiń biri «Júrektiń bıologııalyq qaqpaqshalaryn ımplanttaý» taqyryby boıynsha kardıohırýrgtardyń kezekti sheberlik dáristeri ótkizilmek.
Mundaı operasııalar búginde kúndelikti qolqasy tar pasıentterge jasalyp jatady. Aǵzanyń mundaı kináraty ádette jasy kelgen adamdarda eń iri qolqa tamyrlarynyń búlinýinen bolady. Alaıda medısına únemi damyp keledi, dárigerler de jańa emdeý ádisterin izdeý ústinde, zamanaýı tehnıka men materıaldardy paıdalanatyndyqtan, oqytý men tájirıbe almasýlar da asa qajet.
«Biz bir otany, ıaǵnı bıologııalyq qaqpaqsha men vet-lab ornatýdy beınetranslıasııamen jasaımyz – bul mýlıajdarǵa jasaıtyn jattyqtyrýshynyń medısınalyq tájirıbesi, bul joly operasııa shoshqa júregine jasalady. Sebebi onyń júregi adam júregine óte uqsas bolǵandyqtan, osyndaı medısınalyq mashyqtandyrýlarda paıdalanady. Mundaı kezdesýler barlyq hırýrgtar, kardıohırýrgtarǵa olardyń kásibı biliktilikterin arttyrý úshin júrgiziledi», deıdi kardıolog Alen Qýanyshbekov.
Sheberlik dárisin OKA-nyń hırýrgııa jónindegi vıse-prezıdenti, densaýlyq saqtaý magıstri – Danııar Amanǵalıev ashady. Sonymen birge professor, qan aınalymy patologııasy ınstıtýtynyń dırektory Aleksandr Bogachev-Prokofev pen júrek kemistigi zerthanasynyń aǵa ǵylymı qyzmetkeri Aleksandr Stasev dáris oqıdy.
Sheberlik synypqa Almatynyń barlyq klınıkalarynan dárigerler shaqyrylǵan.
