Qazaqstan • 26 Jeltoqsan, 2022

«Fly Arystan» áýekompanııasynyń parki jańa ushaqpen tolyqty

384 ret

kórsetildi

1 mın

oqý úshin

Indýstrııa jáne ınfraqurylymdyq damý mınıstri Qaıyrbek О́skenbaevtyń tapsyrmasy boıynsha áýe kemeler parkin ulǵaıtý jáne qazaqstandyq avıakompanııalardyń tasymaldaý syıymdylyǵyn arttyrý boıynsha jumystar jalǵasyp jatyr, dep habarlaıdy Egemen.kz.

Marjan TILEÝBEK

«Fly Arystan» áýekompanııasynyń parki jańa ushaqpen tolyqty

Indýstrııa jáne ınfraqurylymdyq damý mınıstrliginiń málimetinshe, osy jylǵy 24 jeltoqsanda «Fly Arystan» avıakompanııasy «A320neo» áýe kemesin aldy. Syıymdylyǵy 188 oryndyq bul ushaq flottaǵy 14-shi jáne osyǵan uqsas syıymdylyǵy bar úshinshi ushaq. Áýe kemesi qorshaǵan ortadaǵy CO² shyǵaryndylaryn jáne dybys izin azaıtýǵa múmkindik beretin qozǵaltqyshpen jabdyqtalǵan.

Osylaısha, bıyl tamyz aıynan bastap qazaqstandyq avıakompanııalar syıymdylyǵy 166-dan 213 kresloǵa deıingi jańa 12 ushaq aldy.

Áýe kemelerin paıdalanýǵa berý avıakompanııalardyń jolaýshylar tasymaly kóleminiń ulǵaıýyna, sondaı-aq keste men bıletter usynysynyń ýaqytyly oryndalýyna oń áserin tıgizedi.

Qazaqstandyq áýekompanııalardyń ÁK parkin keńeıtý jónindegi jumys jalǵasyp jatyr. Ol Azamattyq avıasııa komıtetiniń turaqty baqylaýynda.