Jedel aldyn alý is-sharasyna reıdtik toptar qurylyp, olar 86 aldyn alý is-sharasyn júrgizdi. Jumystyń alǵashqy kúni pırotehnıkalyq ónimderdi zańsyz satýdyń 13 faktisi anyqtaldy. Olarǵa qatysty Qazaqstan Respýblıkasy Ákimshilik quqyq buzýshylyq týraly kodeksiniń 196-babyna (Taýarlarmen nemese ózge de zattarmen zańsyzsaýda jasaý) boıynsha hattama toltyryldy.
«Barlyǵy 842 myńǵa aıyppul salynyp, 214 pırotehnıkalyq ónim tárkilenip alyndy. Máselen, Qaraǵandy qalasyndaǵy bazarlardyń birinen eshqandaı qujatsyz pırotehnıkalyq ónimder satqan eki adam anyqtaldy. Olar osy áreketterimen Qazaqstan Respýblıkasy Ákimshilik quqyq buzýshylyq kodeksiniń 196-babyna sáıkes ákimshilik quqyq buzýshylyq jasady. Bireýinen 27 tıym salynǵan zat alynsa, ekinshisinen kóliginiń júk salǵysh bóliginde satylyp jatqan 17 pırotehnıkalyq zat tárkilendi», delingen Polisia.kz taratqan aqparatta.
Sondaı-aq Temirtaý qalasynda 41 jastaǵy qala turǵynymen zańsyz satylyp jatqan pırotehnıkalyq ónimderdiń joly kesildi. Odan 11 pırotehnıkalyq zat tárkilendi. Al Balqash qalasynda 21 jastaǵy azamat ınternet arqyly pırotehnıkalyq ónimderdi satqany úshin jaýapkershilikke tartyldy. Polısııa qyzmetkerleri azamatty 8 pırotehnıkalyq ónimdi satý barysynda nazarǵa alyp, jaýapkershilikke tartty.
