Múdde – ortaq, maqsat – bir

Jıyn barysynda uıymnyń Prezıdenttiń saılaýaldy baǵdar­la­masyn qoldaý jónindegi Ún­deýi jarııalandy. Úndeýde álem­degi geosaıası ahýaldyń ózge­risi kezinde elimizdegi halyq qalaý­ly­larynyń da jumys tásilin ózger^­tý qajettigi aıtylǵan. «Biz bárimiz jaqsy ómir súrgimiz keledi. Bul maqsatqa barlyq qazaqstandyqtyń birige otyryp qana qol jetkizetini sózsiz. Tıisinshe depýtattar ortasy da burynǵy olqylyqtardan sabaq alyp, baǵyt-baǵdaryn jańasha túzip, ońdy is-qımyldyń jańa sapalyq deńgeıin baǵyndyrýǵa kiristi. Árbir depýtat máslıhat tóraǵasynan bastap úzdiksiz ózin-ózi jetildirý men oqytý júıesine aýysýy, tálimgerlik, únemi jańa sheshimder izdestirý, ózindik synı jáne strategııalyq oılaýyn, dúnıetanymyn, sanasyn jáne basqarýshylyq quzyrettiligin qalyptastyrýǵa tıistiligin uǵy­nyp otyr. Jańa Qazaqstan qurý mindeti turǵan tarıhı, jaýapty kezeńde, ortaq múdde men maqsat úshin bir jaǵadan bas, bir jeńnen qol shyǵaryp áreket etý óte mańyzdy», dep kórsetilgen Úndeýde.

Kezdesýde Aqtóbe oblystyq más­lıhatynyń hatshysy Aman­gel­di Nuǵmanov qyrkúıek aıy­nan bastap «Qazaqstan máslı­hat­tary depýtattary qoǵamdyq bir­lestigi» óńirlik fılıaly ju­mysyn bastaǵanyn, osy bir­lestik quramyna qazirgi depýtattarmen qatar burynǵy depýtattar da kirip, olar yntymaqtasa jumys istep kele jatqanyn jet­kizdi. Depýtattar ekonomıkany monopolııasyzdandyrýǵa, ká­sipkerlik qyzmetti ynta­lan­dyrýǵa jáne azamattardyń eńbek kiristerin arttyrýǵa, bilim berý jáne densaýlyq saqtaý júıelerin jańǵyrtý boıynsha belsendilik tanytyp keledi. Onyń aıtýyn­sha, jaqyn kúnderi Májilis de­pýtattarynyń talqylaýyna usy­nylatyn «Qazaqstan Respýb­lı­kasyndaǵy jergilikti ózin-ózi basqarý týraly» jáne «Qazaq­stan Respýblıkasyndaǵy keıbir zań­namalyq aktilerge ózge­rister men tolyqtyrýlar engizý týraly» zań jobalary jergilikti ózin-ózi basqarýdyń jańa tetikterin iske qosady. Bul óz kezeginde halyqtyń ózekti máse­lelerin sheshýde máslıhat depýtat­tarynyń halyq pen atqa­rý­shy bılik qury­lym­da­ry­nyń arasyndaǵy baı­lanys­­ty­rýshy rólin kúsheıt­pek.

Aqtóbe oblysynda óńirdiń azyq-túlik qaýipsizdigin qamta­ma­syz etýge baǵyttalǵan «Aýyl amanaty» jobasy qolǵa alynyp, on eki aýdannyń 24 aýyldyq okrýginde 2700-den astam jobany iske asyrý josparlanyp otyr. Aýyl halqyna arzandatylǵan nesıe usynylyp, kókónis ósirýge, qus, balyq sharýashylyǵyn damy­tý­ǵa qoldaý kórsetilmek.

«Oblystyq máslıhattyń sońǵy sessııasynda aldaǵy úsh jyl­dyń bıýdjeti bekitilip, munda qaras­tyrylǵan 64,3 prosent jer­gi­likti bıýdjet qara­ja­ty ózekti áleýmettik máse­le­lerdi sheshýge baǵyttaldy. Búginde óńirde 536 shaqyrym jol jóndelip, osy jyldyń qorytyndysy boıynsha jaramdy jaǵdaıdaǵy jergilikti mańyzy bar joldyń úlesi 72%-ǵa jetti. Eldi mekenderde tórt dárigerlik ambýlatorııa, bir medısınalyq pýnkt paıdalanýǵa berildi. Kelesi jyly Hromtaý, Muǵaljar, Shalqar aýdandarynda iri aýrýhana qurylysy bastalady. О́ńirde 14 mektep qurylysy júrip jatyr. Oǵan qosa «Jaıly mektep» ulttyq jobasy boıynsha óńirde 20 mektep qurylysy bastalmaqshy. Sonyń nátıjesinde úsh aýysymdy jáne apatty mektepter máselesi to­lyq sheshilmek. Kelesi jyly Aqtóbe-Ulǵaısyn tas joly tórt jolaqty bolyp keńeıtilse, jurtshylyqtyń kópten kútken Qandyaǵash-Shalqar tas jolyna kúrdeli jóndeý jumystary bastalady», dedi óńir basshysy Eraly Toǵjanov.

Kezdesý sońynda oblystyń áleýmettik-eko­­nomıkalyq, má­­­denı damýyna úles qosqan eńbek ardagerlerine «Aqtóbe oblysynyń qurmetti azamaty», «Jyl adamy» ataqtary berilip, ár salada belsendiligimen kózge túsip júrgenderge «Oblysqa sińirgen eńbegi úshin» belgisi tapsyryldy. Olardyń qatarynda belsendi depýtattar da bar.

Aqtóbe oblysy