Bul zertteý 15 jas aralyǵyndaǵy oqýshylardyń bilimi men mashyqtaryn úsh baǵyt boıynsha baǵalaıdy: oqý, matematıka, jaratylystaný.
Sonymen qatar zertteý oqýshylardyń oqý úlgerimine áser etetin faktorlardy anyqtaýǵa múmkindik beredi.
«Mektepterge arnalǵan PISA-nyń» elderge arnalǵan dástúrli PISA-dan aıyrmashylyǵy – onyń jeke mektep deńgeıinde syrtqy baǵalaýdy júrgizýi. Zertteý nátıjeleri boıynsha bilim berý uıymdary elimizdiń basqa mektepteri men kolledjderimen salystyrǵanda oqýshylardyń fýnksıonaldyq saýattylyq deńgeıi jáne PISA negizgi zertteýine qatysýshy elderdiń ortasha upaıy týraly taldamalyq esep alady. Zertteý árbir mekteptiń nemese kolledjdiń myqty jáne álsiz tustaryn anyqtaýǵa, alynǵan málimetter negizinde bilim sapasyn arttyrý sharalaryn qabyldaýǵa múmkindik beredi», dedi Oqý-aǵartý mınıstrliginiń Bilim salasyndaǵy sapany qamtamasyz etý komıtetiniń tóraǵasy Ernur Dáýenov.
«Mektepterge arnalǵan PISA» zertteýine elimizdiń barlyq aımaǵynan 33 myńnan astam qazaqstandyq bilim alýshy qatysqanyn aıta keteıik. Zertteý nátıjesi kelesi jyldyń 2 toqsanynda belgili bolady.
2021 jyly «Mektepterge arnalǵan PISA» zertteýi Qazaqstanda valıdasııa kezeńinen sátti ótti. Ol kezde aprobasııaǵa elimizdiń 200 mektebi qatysty. Aprobasııalyq zertteý nátıjeleri boıynsha jeke jáne toptyq esepter jasalyp, zertteýge qatysqan barlyq mektepke usynyldy.
