«Qoǵamnyń jáne onyń óńirlik fılıaldarynyń laýazymdy tulǵalary júk vagondarynyń tapshylyǵyn paıdalana otyryp, keıbir jaǵdaılarda osyndaı tapshylyqty jasandy túrde týdyryp, problemalardy sheshýdiń ornyna, júk vagondaryn kedergisiz jáne jedeldetip bergeni úshin kásipkerlerden júıeli negizde para alǵany anyqtaldy», delingen ANTIKOR habarlamasynda.
Jemqorlyq shemasyna fılıaldardyń qyzmetkerleri men basshylary, sondaı-aq bas keńse bólimsheleriniń menedjerleri men bastyqtary qatysty.
Aqsha laýazymdy tulǵalardyń nemese olardyń senimdi adamdarynyń, onyń ishinde jaqyn týystarynyń shottaryna aýdarylyp otyrǵan.
Qoǵamnyń Aqmola fılıalynyń bir ǵana basshysy 2020 jyldan bastap 70 mıllıon teńgeden astam qarajatty zańsyz alyp, onyń qomaqty bóligin Shýche-Býrabaı kýrorttyq aımaǵynyń oıyn mekemelerinde jumsaǵan.
Qoǵamnyń Qaraǵandy fılıalynyń burynǵy jáne qazirgi basshylary da osyndaı qylmystar jasady dep kúdiktelýde.
Qazirgi ýaqytta barlyq kúdiktiler ustalyp, tergeý sotynyń sanksııasymen 2 aıǵa qamaldy.
