2025 jylǵa deıin oblysta týrızm salasynda 338 jańa jumys orny qurylady. 10,8 mlrd teńge somasyna toǵyz ınvestısııalyq jobany iske asyrý josparlanyp otyr. Joba aıasynda «Saraıshyq» vızıt-ortalyǵy bıýdjet esebinen salynady, taǵy 8 joba jeke ınvestısııalar esebinen iske asyrylady. Qazirgi ýaqytta tórt joba iske asyryldy - «Nurly tal» etnoparki, Qurmanǵazy aýdanynda eki týrıstik demalys bazasy jáne Maqat aýdanynda kempıng quryldy.
«2023 jyly oblysta túrli kórmeler, festıvaldar ótkizý josparlanǵan, onda oblys qolónershileri men dızaınerleri óz ónimderin kórsete alady. Týrızmdi nasıhattaý úshin óńirde týroperatorlar, BAQ ókilderi men jastar úshin aqparattyq týr uıymdastyrylady. Sondaı-aq balalar men jasóspirimder týrızmin damytý, Qurmanǵazy aýdanyndaǵy áıgili lotos alqaby týraly beınerolıkter jasalady, Inder kóliniń quqyqtyq mártebesin anyqtaý boıynsha saraptamalyq-zertteý jumystary júrgiziledi», dedi Jannat Sabyrǵalıeva.
Onyń aıtýynsha 2022 jyly oblysta týrıster sany 108 myńnan asty, bul ótken jyldyń sáıkes kezeńimen salystyrǵanda úsh ese kóp. Sondaı-aq 2022 jyly alty týrıstik nysanda QR-kodtar ornatylǵan, sonyń arqasynda týrısterge bes tilde aqparat alýǵa jáne 3D-týr jasaýǵa múmkindik beriledi.
Balalar men jasóspirimder týrızmin damytý úshin jyl saıyn kópbalaly, az qamtylǵan otbasylardan shyqqan balalar úshin «О́z elińdi bil» jobasy aıasynda Astana, Almaty, Aqtaý qalalaryna ekskýrsııalar uıymdastyrylady.
