Joldamaǵa ıe bolǵan oqýshylardyń aldyńǵy legine ata-analarymen birge oblys basshysy Asaıyn Baıhanov ta sáttilik tilep, shyǵaryp saldy. Uıymdastyrýshylar jasóspirimderdi Túrkistan, Aqmola, Almaty, Abaı jáne ózge de oblystarda mádenı jáne saýyqtyrý baǵdarlamalary kútip turǵanyn jetkizdi.
Kómirli shahardaǵy kishkentaı turǵyndardyń qysqy demalysty kóńildi ótkizýine «amanat» partııasy múmkindik berip otyrǵanyn aıtqan abzal. Saıası uıymnyń Túrkistan oblystyq fılıalynyń kezekten tys konferensııasynda partııa tóraǵasy Erlan Qoshanov bul jaıynda málimdegen bolatyn. Partııanyń eriktileri men belsendileri Ekibastuzdaǵy tótenshe jaǵdaıdyń alǵashqy kúnderinen bastap qala turǵyndaryna gýmanıtarlyq kómek kórsetýge atsalysqany málim. Ahýal turaqtalyp, qaladaǵy ómir óz ornyna kelgen soń jas turǵyndardy qýantýǵa basymdyq berildi.
– Ekibastuzda tótenshe jaǵdaı jarııalanǵan sátten bastap bizdiń uıymnyń músheleri «Jastar rýhy» jastar qanatynyń belsendilerimen, eriktilermen birlesip jylytqyshtar, jyly kórpeler taratýǵa, ystyq tamaqty uıymdastyrýǵa belsene qatystyq. Endi, mine, «amanat» partııasy tóraǵasynyń bastamasymen balalardy sanatorııler men demalys úılerine jiberý uıymdastyryldy. Ekibastuz qalasynyń ákimdigine, densaýlyq saqtaý jáne bilim berý basqarmalaryna, ata-analarǵa úlken alǵys aıtamyz. Eń bastysy, oqýshylardyń qysqy demalystary oıdaǵydaı ótip, balalarymyz úılerine aman-esen oralsyn, – dedi «amanat» partııasynyń Pavlodar oblysyndaǵy fılıalynyń tóraǵasy Ilıa Terenchenko.
Qala turǵyny Irına Shabaldınanyń aıtýynsha, onyń eki qyzy Aqmola oblysyndaǵy «Parýs» lagerine joldama alǵan. Qalanyń jylý júıesinde apat oryn alǵan ýaqytta jer úıde turatyn bul otbasy úlken qıyndyqqa urynypty. Eriktiler jyly kórpeler men elektr jylytqyshtar ákelip, úlken kómek kórsetken. Balalaryna jańa jyl merekesinde osyndaı qyzyqty sapar uıymdastyrǵan azamattarǵa ata-analar qaýymy atynan alǵysyn jetkizdi.
Joldama jalpy sany 1300 balaǵa beriledi dep josparlanǵan. Seısenbi kúnge deıin 841 oqýshy qysqy saparǵa attanyp úlgerdi.
Pavlodar oblysy,
Ekibastuz qalasy
