Balyq ta – bereke bastaýy

Býrabaı aýdanyndaǵy Aqyl­baı kentinde ornalasqan «Bıo­sfera fish» JShS forel shar­ýa­shylyǵyn uıymdastyryp, bul óńirde buryn-sońdy kezdese qoımaıtyn baǵaly balyqty kó­beıtpek. Tipti taıaý arada óńir­de saýda sórelerine kóptep túsedi degen úmit te bar.

– Balyq ósiretin keshenniń qurylysy byltyr naýryz aıynda bastalǵan bolatyn. Negizin­de balyq ta bap tileıdi. Qyr-syryn qapysyz meńgerý qajet. Sondyqtan keshende jumys isteıtin qyzmetkerler Qazan, Rostov, Sankt-Peterbýrg qala­la­rynda osy salanyń erek­she­­lik­terin egjeı-tegjeıli oqyp, úırenip qaıtty. Tamyz aıyn­da shabaqtardy basseınge ji­berdik. Alǵashqy forel ýyldyryǵy Fransııadan jet­ki­zildi, – deıdi sharýashylyq dırektorynyń orynbasary Pavel Stadnıkov, – taıaý arada taýarlyq salmaqqa jetken soń satylymǵa shyǵarylady. Jalpy, bes tonna forel óndi­rý­di mejelep otyrmyz. Al bıyl bastap ónim kólemi 40-45 ton­na­ǵa jetkiziledi.

Munda 8 basseınniń árqaı­sy­synda shamamen bir ja­rym­ǵa jýyq balyq ósiriledi. Bas­seın­de­gi sý únemi jańar­ty­lyp otyrady. О́ıtkeni forel balyǵy tazalyqty súıedi. Ári sý ozonmen baıytylady. Zerthanalyq saraptamalar kúnine úsh ret ótkiziledi. Sýdyń quramy men tem­peratýrasy standartqa saı bolýy kerek. Demek bul ba­ǵyt­taǵy jumys ta ońaı-ospaq sharýa emes.

– Memlekettik ınvestısııa­lardy tarta otyryp, ekinshi blokty salýdy mejeleýdemiz. «Agrarlyq nesıe korporasııa­sy» AQ-ǵa ótinim berdik. Sol kezde bir jylda júz tonnaǵa deıin forel óndire alar edik, – deıdi P.Stadnıkov.

Býrabaıdyń baýraıynda forel ósirý bul baǵyttaǵy al­ǵashqy ınvestısııalyq joba. Keshendi salyp shyǵý úshin 360 mln teńge tóńireginde jeke ın­vestısııa tartylǵan. Bir jaq­sysy, balyq ósirý týraly bas­tama memlekettiń qoldaýyna ıe bolýda. Naqtyraq aıtsaq, sa­­lynǵan qarjynyń 25 paıyzy qaıtarylady.

Selı­no­grad aýdanyndaǵy Aq­qaıyń aýylynda «Poseıdon» serik­tes­tigi de dál osyndaı ba­lyq shar­ýa­shylyǵyn qolǵa alýdy jos­parlap otyr. Oıǵa alǵan sharýa ońynan ońǵarylsa, Aq­qaıyńda da jylyna 100 tonnaǵa jýyq forel men bekire ósirýge múm­kindik týyp otyr. Nesi bar, osyndaı nátıjeli sharýalar jú­zege asyrylsa, astanany azyq-túlikpen qamtý bel­de­ýin­degi óńirdiń bul ba­ǵyt­taǵy óńi jaqsaryp, dastar­hannyń berekesi kirip qalar edi.

Aqmola oblysy,

Býrabaı aýdany