«Bizdiń ǵalymdar turaqty jalaqy ala bermeıtini belgili. Olardyń jalaqysy konkýrstardyń nátıjelerine baılanysty boldy. Qazir ǵalymdardyń ortasha jalaqysy 152 myń teńgeni qurady. Búgingi tańda biz jumys isteıtin jetekshi ǵalymdardyń jalaqysyn 72%-ǵa arttyrdyq. Sondaı-aq jetekshi ǵalymdarymyz granttardyń nátıjelerine táýeldi bolmas úshin irgeli ǵylymdy negizgi qarjylandyrý formatyn qaıtardyq. Búgingi tańda 11 ǵylymı-zertteý ınstıtýtyn tikeleı qarjylandyrý engizildi», dep túsindirdi Saıasat Nurbek mınıstrliktiń keńeıtilgen otyrysynda.
Mınıstrdiń aıtýynsha, ǵalymdardyń jalaqysy tolyq mazmunmen ulǵaıtylǵan.
«О́tken jyldyń qorytyndysy boıynsha ǵalymdardyń jalaqysy 257 myń teńgeni, eń kóbi 1,5 mln teńgeni qurady. Osylaısha, ǵylymdy qarjylandyrýdy 3,5 ese arttyrdyq. Eger 2022 jyly 58 mlrd teńgeni qurasa, bıylǵy jyly - 158,6 mlrd teńge, 2024 jyly - 244 mlrd teńge, 2025 jyly - 240 mlrd teńge», dep qosty mınıstr.
