«Jyl saıyn biz ýnıversıtetterden oqý aqysyn kótermeýdi suraımyz, biraq naryqtaǵy baǵanyń ózgerýine baılanysty JOO-lar oqý qunyn ınflıasııa sandaryna baılanysty qaıta qaraıdy», dep túsindirdi Qýanysh Erǵalıev.
Bul rette vıse-mınıstr ótken jylǵy ınflıasııany mysal retinde keltirdi.
«Máselen, ótken jyly, ınflıasııa 14%-dy qurady, keıbir joǵary oqý oryndary da oqý aqysyn 14%-ǵa kóterdi. Árıne, biz joǵary oqý oryndaryn oqý aqysyn kótermeýge shaqyramyz, biraq jaǵdaı ekonomıkalyq jaǵynan ár túrli bolýy múmkin», dep atap ótti Qýanysh Erǵalıev.
Onyń aıtýynsha, ár ýnıversıtettiń ózindik quny bar, ortasha kórsetkish - jylyna 300-400 myń teńge. Biraq keıbir ýnıversıtetterde jyldyq oqý aqysy 500-600 myń teńgeden de asady.
«Oqý quny - ózekti másele, kelisemin. Aıta ketsek, oqý aqysyn joǵary oqý oryndarynyń ózderi anyqtaýǵa quqyly. Oqý aqysy olardyń shyǵyndaryna da baılanysty ózgerýi múmkin. Barlyǵy ekonomıkaǵa baılanysty. Inflıasııa deńgeıindegi ósý - bul tabıǵı prosess», dep qosty vıse-mınıstr.
Jalpy, Qazaqstanda 600 myń stýdent bar. Olardyń shamamen 40%-y grantta oqysa, qalǵan 60%-y aqyly negizde oqıdy.
