«Bıznestiń qylmystyq proseske qatysyn azaıtý úshin agenttik júıeli jumystar júrgizip jatyr. Sońǵy tórt jylda tirkelgen ister sany eki ese kemigen», dedi Janat Elımanov.
Onyń aıtýynsha, jalǵan shot-faktýralar jazyp berý arqyly salyq tóleýden jaltarýǵa kómektesip, qarjyny qolma-qol aqshaǵa aınaldyratyn myńnan astam fırmanyń qyzmeti toqtatyldy.
Sondaı-aq 110 zańsyz oıynhana men alkogol ónimin shyǵaratyn 44 jasyryn seh joıyldy.
«Byltyr qarjy alaıaqtarynyń qyzmetin jarnamalaıtyn 13 myń veb-paraqsha men akkaýnt buǵattaldy. 29 qarjy pıramıdasynyń joly kesilip, zardap shekken azamattardyń 8,3 mıllıard teńge kóleminde shyǵyny óteldi. Jalpy, qabyldanǵan sharalardyń nátıjesinde quny 300 mıllıard teńgeden asatyn aktıvter qaıtaryldy», dedi Qarjylyq monıtorıng agenttiginiń tóraǵasy.
Sonymen qatar Prezıdentke agenttik úılestirýimen qarjyny jylystatýǵa qarsy ulttyq júıege reforma júrgizilgeni jóninde baıandaldy. Bul qoldanystaǵy zańnamany halyqaralyq FATF (FATF) ctandarttarymen barynsha sáıkestendirýge múmkindik berdi.
Kezdesý sońynda Memleket basshysy qarjy pıramıdalarynyń qyzmeti men alaıaqtardyń qıturqy áreketteriniń jolyn kesý jumystaryn jalǵastyrýdy, sondaı-aq adal bıznesti qorǵaýǵa, qarjylyq jáne ekonomıkalyq qylmystarǵa qarsy kúres sharalaryn kúsheıtýdi tapsyrdy.
