foto: polisia.kz
Polıseıler Oral qalasynyń 45 jastaǵy turǵynynan bir keliden astam sıntetıkalyq esirtki zattaryn tárkiledi. Tintý sharalary barysynda oraýysh ydystar men tarazylar da tabyldy.
Kúdiktiniń turǵylyqty jerin tintý barysynda quramynda esirtki bar preparattardyń 60 danasy, 5 polıetılen zıp-paketi, 2 jańa elektrondy tarazy, sur tústi untaqtyń izderi qalǵan tarazy, 6 metall sháınek, 7 paket metall magnıt, 2 ólsheýish qasyq jáne shpatel, oralǵan untaq zaty bar 11 zıp-paket, aq tústi untaq zaty bar 3 konteıner, sur tústi untaq zaty bar 3 konteıner, sondaı-aq esirtki satýshylar qoldanatyn basqa da zattar tabylyp, tárkilendi. Esirtki quraldarynyń, psıhotroptyq preparattar men prekýrsorlardyń jıyntyq kestesine sáıkes, tárkilengen zattar asa iri mólsherge jatady.
Polısııa qyzmetkerleriniń aıtýynsha, qazirgi ýaqytta QK-niń 297-baby 1-bóligi boıynsha sotqa deıingi tergeý júrgizilip jatyr.
