Basqosýǵa Qarjy naryǵyn retteý jáne damytý agenttiginiń, Básekelestikti damytý jáne qorǵaý agenttiginiń ókilderi qatysty. Al Qazaqstan qarjygerleriniń qaýymdastyǵy naryqqa qatysýshylardyń múddesin jetkizdi.
Qatysýshylar Open API tehnologııasyn qoldaný arqyly qarjy sektoryn damytýdyń zamanaýı úlgileri men Open Banking tujyrymdamasyn talqylap, jańa bastamalar negizinde Qazaqstanda sıfrlyq qarjylyq ınfraqurylymdy qurý perspektıvalaryn sóz etti.
Open API men Open Banking jobalary klıentke qarjylyq qyzmetterdi alý úshin klıenttiń jeke derekterin ártúrli qarjy ınstıtýttary arasynda qaýipsiz jáne tıimdi tasymaldaý múmkindigin berýge baǵyttalǵan. Mundaı almasý qaýipsiz ortada standarttalǵan ashyq baǵdarlamalaý ınterfeısterin qoldaný arqyly júzege asyrylady. Ashyq bankıng jańa tólemder men qarjylyq qyzmetterdi júrgizýge, ákimshilik, sáıkestik jáne tranzaksııalar úshin ýaqyt pen operasııalyq shyǵyndardy azaıtýǵa múmkindik beredi.
Open API men Open Banking tujyrymdamasy Qazaqstandaǵy ashyq bankıngti damytýdyń negizgi tásilderi men paıymyn, ashyq banktik ınterfeısterdi engizý boıynsha naqty qadamdar men sharalardy jáne osyǵan qajetti ınfraqurylymdyq ári retteý tásilderdin qamtıdy.
