Delegasııa quramyna Indýstrııa jáne ınfraqurylymdyq damý mınıstri Marat Qarabaev, Úkimet Apparaty basshysynyń birinshi orynbasarynyń m.a. Ǵabıt Syzdyqbekov, «Qazaqstan temir joly» UK» AQ basqarma bóraǵasy Nurlan Saýranbaev kirdi.
RF Úkimeti tóraǵasynyń orynbasarlary Marat Hýsnýllın, Denıs Mantýrov, Aleksandr Novak, Alekseı Overchýkpen, RF kólik mınıstri Vıtalıı Savelevpen kezdesý barysynda otyn-energetıka keshenindegi yntymaqtastyqtyń ózekti máseleleri, munaı jáne gaz hımııasy, elektr energetıkasy salalaryndaǵy ózara is-qımyldyń qazirgi jaǵdaıy men perspektıvalary talqylandy.
Atap aıtqanda, «Batys Eýropa – Batys Qytaı» jáne «Soltústik – Ońtústik» kólik-logıstıkalyq marshrýttaryn damytý, jańa temirjol jelilerin salý, Qazaqstan-Reseı shekarasyndaǵy avtomobıl joldary men ótkizý beketterin rekonstrýksııalaý taqyryptary qozǵaldy.
Sonymen qatar kezdesýge qatysýshylar ónerkásip kooperasııasy, atap aıtqanda, avtomobıl jasaý, taý-ken metallýrgııa, agroónerkásip keshenindegi birlesken jobalardy iske asyrý máselelerine toqtaldy.
Kelissóz qorytyndysy boıynsha taraptar ózara tıimdi ekonomıkalyq yntymaqtastyq qaǵıdattaryn ustanyp, ónerkásiptik, saýda-ekonomıkalyq, ınvestısııalyq salalarda neǵurlym tyǵyz jumys isteý maqsatynda qosymsha múmkindikter qurý jónindegi birlesken sharalardy iske asyrýǵa nıetti ekenin bildirdi.
Reseı tarapy «Innoprom. Qazaqstan» halyqaralyq ónerkásip kórmesine qatysatynyn rastady. Ony 2023 jylǵy 23-25 qyrkúıek aralyǵynda Astanada ótkizý josparlanyp otyr.
