Taýar sertıfıkaty – ónimniń aınasy

Al buǵan naryqtaǵy básekeniń ulǵaıyp, kez kelgen taýar túrine sura­nystyń artyp jatqany septe­sip otyr. Muny 2022 jyly Alma­ty qa­la­synyń kásipkerler palata­sy­nyń kásiporyndarǵa bergen 1 457 ser­­tı­­fıkatymen dáıekteýge bolady.

Salystyrý turǵysynda 2021 jyly kásiporyndarǵa berilgen ser­tı­fıkattar sany – 772, al 2020 jyly 470 bolǵanyn aıta ketýge bolady.

Taýardyń shyǵý túbin sertıfıkattaý bóliminiń sarapshysy Sáýle Nurbekovanyń aıtýynsha, 2022 jyly Almaty kásip­ker­ler pa­la­tasy 11 815 eksporttyq ser­tı­fı­kat bergen. 2021 jyly bul kór­­set­kish 9 827 sertıfıkatqa jet­se, 2020 jyly 5 967 sertıfıkatty qurady.

О́ndiristi sertıfıkattaý sala­synda ındýstrııalyq sertıfıkat erekshe mańyzǵa ıe ekendigin atap ótken jón. Eger kásipkerdiń teh­no­logııalyq jabdyqtarmen qam­tylǵan jeke óndirisi, jumys ist­ep jatqan mamandary bar bolsa, onda osy sertıfıkatty ala alady. Sertıfıkatty rásimdeý 2 kezeńnen turady.

«Indýstrııalyq sertıfıkat óte mańyzdy qujat. Qujatty birinshi kezeńde alý úshin kásipker salalyq qaýymdastyqtyń salalyq sarapshysynyń qorytyndysyn alýǵa tıis. Salalyq sarapshy kásipker óndirisiniń belgilengen talaptarǵa sáıkestigin aıqyndap, qorytyndysyn beredi. Kásipker oń qorytyndy alǵannan keıin Ulttyq kásipkerler palatasynyń atameken.kz saıty arqyly ótinish beredi. Budan ári ındýstrııalyq ser­tı­fıkatty resimdeýmen óńir­lik ká­sip­kerler palatasynyń maman­dary aınalysady», deıdi maman.

Sertıfıkat 3 jylǵa tegin beriledi. Alaıda eger taýar óndi­risinde, jumystar men qyz­met­terdi jetkizýde ózgerister bol­masa, sertıfıkat jyl sa­ıyn jańartylyp otyrýǵa tıis. Eger ózgerister bolsa, kásipker sertıfıkatqa ózgerister engizý týraly ótinish berýi kerek. Máselen, 2022 jyly Almaty kásipkerler palatasy 68 ındýstrııalyq sertıfıkat bergen. Indýstrııalyq sertıfıkat dep otyrǵanymyz – kásiporynnyń otandyq óndirýshi ekenin rastaıtyn qujat.

«Sarapshylar kásiporyn­dardy baza, jabdyq, tehnologııa­nyń bolýyna, sondaı-aq óndiris­tiń málimdelgen qýatynyń sáı­kes­­tigine tekseredi. Eger óndiris bar­lyq talapqa saı bolsa, ındýs­t­rııalyq sertıfıkat eshqan­daı kedergisiz beriledi. Indýstrııa­lyq sertıfıkatty qalyp­tas­tyrý qaǵıdalary bıznes-qoǵam­dastyqpen birlesip ázirlendi, ón­dirý­shini tizilimge engizý óteý­siz jáne erikti túrde júzege asyrylady. Qazir Qazaqstanda shetel­dik kompanııalardyń ón­di­ri­sin relokasııalaý úderisi júrip ja­tyr. Osyǵan baılanys­ty taýar­lardy sertıfıkattaý boıyn­sha jumystar ulǵaıtylyp, ser­tı­fıkattar berý boıynsha baqy­­laý kúsheıtiledi», deıdi Al­ma­ty qalasy kásipkerler palata­­sy­­nyń dırektory Aıtýar Qoshmambetov. 

ALMATY