Kezdesý barysynda kólik jáne logıstıka salasyndaǵy ınvestısııalyq jobalardy iske asyrý perspektıvalary talqylandy. Prezıdent Abu Dhabi Ports Group kompanııasynyń Kaspıı teńizindegi teńiz jáne port ınfraqurylymyn damytyp, «QazMunaıGaz» ulttyq kompanııasymen strategııalyq seriktestik ornatý jóninde kelisimge qol qoıý josparyn quptady.
Memleket basshysy Qazaqstannyń Ortalyq Azııa men Kaspıı óńirindegi tolyqqandy kólik habyna aınalýǵa nıetti ekenin jáne kólik baǵyttaryn ártaraptandyrý jumystaryn júrgizip jatqanyn jetkizdi. Atap aıtqanda, elimiz Transkaspıı halyqaralyq kólik baǵyty men Soltústik-Ońtústik kólik dálizin belsendi damytyp keledi.
Muhammed ál-Shamısı kezdeskeni úshin Qasym-Jomart Toqaevqa alǵys aıtyp, qazaqstandyq kompanııalarmen yntymaqtastyq ornatý jospary týraly aıtty. Abu Dhabi Ports kompanııasy Kaspıı teńizi men jalpy óńirdiń kólik-logıstıka salasynda ózara tıimdi seriktestik ornatyp, túrli teńiz qyzmeti men sheshimder usynýdy kózdep otyr.
