Jeke tulǵanyń kirisi retinde qarastyrylmaıdy:
- ujymdyq, eńbek sharttarynda jáne (nemese) jumys berýshiniń aktisinde belgilengen normalar qyzmetkerlerge olardyń jumysy jolda ótetin, jol júrý sıpatyndaǵy, qyzmet kórsetiletin ýchaskeler sheginde qyzmettik saparlarmen baılanysty bolǵan jaǵdaılarda ótemaqy tólemderi (2018 jyly 1 qańtardan bastap retrospektıvti qoldanysqa engiziledi);
- formaly kıim kııý jáne (nemese) ony qamtamasyz etý jónindegi mindet belgilengen jaǵdaılarda qyzmetkerge berilgen formaly kıimniń quny (2023 jyly 1 qańtardan bastap qoldanysqa engiziledi);
- tólem kartochkalaryn paıdalana otyryp tólemderdi qabyldaýǵa arnalǵan baqylaý-kassa mashınasyn jáne jabdyqty (qurylǵyny) qoldanýdy buzý faktileri týraly habarlaǵan adamnyń fakt rastalǵan jaǵdaıda alatyn syıaqy somasy (2023 jyly 1 qańtardan bastap qoldanysqa engiziledi).
Kiristi túzetý kelesi kirister boıynsha júzege asyrylady:
- ashyq jáne aralyq ınvestısııalyq paı qorlarynyń paılaryn ótkizý kezinde qun ósiminen túsetin tabystar (2022 jyly 1 qańtardan bastap qoldanysqa engiziledi);
- jeke turǵyn úı qoryndaǵy jalǵa alynǵan turǵyn úıge aqy tóleý úshin bıýdjet qarajatynan sýbsıdııalar túrindegi tabystar (2022 jyly 1 qańtardan bastap qoldanysqa engiziledi);
- teńgede ornalastyrylǵan jeke tulǵalardyń depozıtteri boıynsha ótemaqy (syılyqaqy) (2023 jylǵy 1 qańtardan bastap 2025 jylǵy 1 qańtarǵa deıin qoldanylady).
Múliktik kiristi anyqtaý maqsatynda:
- menshik quqyǵy paıda bolǵan sátten bastap bir jyldan az ýaqyt menshik quqyǵynda bolǵan turaq oryndaryn satý kezinde múliktik tabys paıda bolady (2022 jyly 1 qańtardan bastap qoldanysqa engiziledi);
- erli-zaıyptylardyń bireýiniń jyljymaıtyn múlikke quqyqtaryn muragerlikke alý kezinde qunnyń ósýin aıqyndaý maqsatynda menshik quqyǵynda bolý erli-zaıyptylardyń osyndaı múlikke ortaq birlesken menshik quqyǵy tirkelgen kúnnen bastap aıqyndalýy qarastyrylady (2023 jyly
1 qańtardan bastap qoldanysqa engiziledi).
2023 jyldan bastap, eger sıfrlyq aktıvterdi satý kezinde qun ósiminen túsetin kiris paıda bolsa, onda mundaı kiriske jeke tabys salyǵy salynady. Atalǵan norma buryn bolmaǵan.
«Egemen-aqparat»
