Qalalyq bilim basqarmasy taratqan málimetke sáıkes jańa mektepter memleket-jekemenshik áriptestigi aıasynda salynady. Jan basyna qarjylandyrý baǵdarlamasy boıynsha bilim beriledi. Bul degenimiz – bilim uıalary jekemenshik bolǵanymen, barlyq shyǵyn bıýdjet esebinen toltyrylady. Sondyqtan ata-analar qaltalarynan bir tıyn da shyǵarmaı, balalaryn tegin oqytady. Bilim oshaqtarynyń qurylysyna baılanysty osy jobany júzege asyrý arqyly aldaǵy ýaqytta megapolıstegi úsh aýysymda bilim beretin mektepterdiń máselesi túbegeıli joıylady.
Resmı málimet boıynsha, byltyr jan basyna qarjylandyrý baǵdarlamasymen jumys isteıtin memleket-jekemenshik áriptestigi júıesimen salynǵan 41 mektep paıdalanýǵa berilgen edi. Onda qazir 24 myńnan astam bala bilim alyp jatyr. Byltyr ǵana ashylǵan 41 bilim oshaǵynyń 34-i taza qazaq tilinde oqytatyn mektep bolsa, qalǵan jeteýi – aralas mektepter.
Búgingi tańda Shymqalada jalpy orta bilim beretin 246 mektep bar. Onyń 95-i – jekemenshik, qalǵany – memlekettik bilim oshaqtary. Sonymen birge megapolıste 579 mektepke deıingi bilim beretin uıymdar qyzmet kórsetedi. Osy bóbekjaı men balabaqshalarda 70 myńǵa jýyq shymkenttik baldyrǵandar tárbıelenip jatyr.
ShYMKENT
