4 qańtardan bastap Jambyl oblysynyń polısııa qyzmetkerleri ártúrli kalıbrli 18 birlik qarý men 900-den astam oq-dárilerdi tárkiledi. Tárkilengen qarýlardyń arasynda AK-74 avtomat, AKS-74Ý avtomaty, Benelli Argo 30-06 myltyq, PM tapanshasy, Mossberg qarýy, TOZ-16 qarýy, IJ 16 kalıbrli qarýy, Reg agent revolveri, Bekas-2 bir oqpandy tegis uńǵyly myltyq, gaz tapanshasy, Baıkal travmatıkalyq tapansha, MR-79-9tm gaz-travmatıkalyq tapansha, eki tegis uńǵyly ańshylyq myltyǵy, jaryq-shýly granatasy, tapansha oqjatarlary jáne ártúrli kalıbrli 901 oq-dári bar.
Mysaly, 10 qańtarda polısııa qyzmetkerleri qalanyń shaǵyn aýdandarynyń biriniń janyndaǵy bos jerde qapshyqtan 7,62 mm kalıbrli AK-74 avtomat, 9 mm kalıbrli 6 oq-dárisi bar PM tapanshasy jáne 12 kalıbrli 6 oq-dárisi bar Bekas-2 bir tegis uńǵyly myltyq tapty.
Sonymen qatar 15 qańtar kúni saǵat 14.35 shamasynda Shý aýdandyq polısııa qyzmetkerleri Tóle bı aýylyndaǵy qaraýsyz qalǵan ǵımarattyń birinen qarý-jaraq jasyrynǵan oryn anyqtaldy. Oqıǵa ornynan bir Mossberg qarýy, eki TOZ-16 kalıbrli, bir IJ 16 kalıbrli, bir TOZ 16 kalıbrli, bir PB-4 1 ml kalıbrli 18h45, bir Revolver Reg agent kl-9mm atys qarýy jáne eki jasaýratqysh dybystyq granata, 308 dana oq-dári tabyldy.
Oǵan qosa ótken jylǵy qańtar oqıǵasy kezinde Jambyl oblysy polısııa departamentinen urlanǵan 1 dana 9mm PM tapanshasy alyndy. Budan basqa jedel aqparatty pysyqtaý barysynda Shý qalasynda polısııa qyzmetkerleri 21 jastaǵy jergilikti turǵyndy ustady. Tekserý kezinde odan bir oqjatary bar Baıkal tirkelmegen travmatıkalyq tapanshasy tabylyp, tárkilendi. Sondaı-aq «102» pýltine Tarazdyń 41 jastaǵy turǵynynan úı mańyndaǵy elektr baǵanynyń janynan oq-dárileri bar sómke tapqany týraly habarlama kelip tústi. Shaqyrýǵa kelgen polısııa qyzmetkerleri atalǵan sómkeniń ishinen 7,62 mm kalıbrli 509 oq-dári tapty. Barlyq qarý-jaraq pen oq-dáriler sot-ballıstıkalyq saraptamaǵa jiberildi.
