Vıdeo • 23 Qańtar, 2023

IIM sheteldik avtokólikterdi zańdastyrý jolyn túsindirdi

74 ret kórsetildi

2023 jyldyń 23 qańtarynan bastap sheteldik avtokólikterdi zańdastyrý júrgiziledi, dep habarlaıdy Egemen.kz Polisia.kz-ke silteme jasap. 

Qazaqstan azamattary syrttan ákelgen sheteldik eseptegi jeńil avtokólikter, shaǵyn, orta syıymdylyqtaǵy avtobýstar, shaǵyn júk kólikter jáne róli oń jaqtaǵy avtokólikterdi zańdastyrý erejeleri 2023 jyldyń 1 shildesine deıin júrgiziledi. 

Zańdastyrýǵa ótinishti «Elektrondyq úkimet» portaly arqyly nemese mamandandyrylǵan HQKO-ǵa jeke júginý arqyly berýge bolady. Onda tek kólik quraldaryn zańdastyrýǵa qujattar qabyldaıtyn sektorlar jumys isteıdi. Sonymen qatar onda zańdastyrý erejelerin túsindiretin ákimshilik polısııa qyzmetkeri bolady. О́zińizben birge - ótinish, jeke kýálik, avtokólik pasporty nemese tirkeý týraly kýálik, sondaı-aq menshik quqyǵyn rastaıtyn qujat bolýy qajet.

Al zańdastyrý týraly sheshim eki kún ishinde qabyldanady.

Avtokólikti zańdastyrý úshin ótinim, ótinim berýshiniń jeke basyn kýálandyratyn qujat, kólik quralynyń pasporty nemese tirkeý týraly kýálik, kólik quralyna menshik quqyǵyn rastaıtyn qujat talap etiledi. Nátıjesi arnaıy bazaǵa tirkeledi jáne kólik ıesiniń telefonyna 1414 nómirinen SMS jiberiledi. Onda qabyldanǵan sheshim naqty jazylady. Zańdastyrýǵa ruqsat etilse, memlekettik alymdar tóleý qajet.

Zańdastyrý kezindegi negizgi tólem – 200 myń teńgeni quraıtyn bastapqy tirkeý alymy. Sonymen qatar memlekettik nómirge 9660 teńge jáne tehpasport úshin 4313 myń teńge tólenedi. Osydan keıin ótinish ıesi tirkeý qujattaryn jáne Qazaqstannyń memlekettik nómirin alady. Aıta ketý kerek, sheteldik esepke alynǵan avtokólikterdi zańdastyrý – bul bir rettik aksııa.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar