О́ńirlik «Qostanaı tańy» gazetiniń jazýynsha, teatr trýppasy buǵan deıin A.Shúkeevtiń kandıdatýrasyn qoldap, basqarmaǵa ujymdyq hat joldaǵan.
Azamat Tólegetaıuly 1982 jyly Shyǵys Qazaqstan oblysynda týǵan. 2003 jyly T.Júrgenov atyndaǵy qazaq ulttyq óner akademııasyn «Mýzyka teatrynyń akteri» mamandyǵy boıynsha támamdaǵan. Shyǵarmashylyq eńbek jolyn N.Jantórın atyndaǵy Mańǵystaý oblystyq mýzykalyq drama teatrynda bastady. 2012 jyldan beri I.Omarov atyndaǵy Qostanaı oblystyq qazaq drama teatrynda eńbek etip keledi.
«Mádenıet salasynyń úzdigi» tósbelgisiniń ıegeri. Joǵary sanatty akter. Kóptegen basty rólderdi somdap, joǵary jetistikterge jetken. «Art-Premer» Halyqaralyq óner festıvalinde úzdik shyǵyp, «Prıznanıe» nomınasııasy boıynsha I dárejeli dıplomynyń ıegeri atanǵan. 2021 jylǵy «Temirqazyq – 2021» teatr syılyǵynyń «Úzdik er beınesi» nomınasııasynyń laýreaty. Shyǵarmashylyq tabysy úshin Qostanaı oblysynyń «Rýhanı qazyna – 2022» oblystyq baıqaýynyń «Teatr jáne konsert uıymynyń úzdik qyzmetkeri» nomınasııasynyń jeńimpazy, «Ahmet Baıtursynuly 150 jyl» mereıtoılyq medalimen marapattalǵan.
