Olardyń barysynda kásiporyndardyń byltyrǵy óndiristik jetistikteri men 2023 jylǵa arnalǵan josparlary qaralyp jatyr.
IIDM Kómir ónerkásibi basqarmasynyń basshysy Janat Igisinovtiń aıtýynsha, 2022 jyly kómir óndirýshi kompanııalar 113,9 mln tonna qatty otyn óndirdi, bul 2021 jylmen salystyrǵanda 1,9%-ǵa kóp.
«2022 jyldyń qorytyndysy boıynsha kómir eksporty 32,5 mln tonnaǵa jetti. Kommýnaldyq-turmystyq qajettilikter men halyqqa 11,03 mln tonna, energetıkalyq keshenderge 64,4 mln tonna, sondaı-aq ónerkásiptik kásiporyndarǵa 5,97 mln tonna kómir jóneltildi», dedi J.Igisinov.
Mınıstrlik jergilikti atqarýshy organdardyń derekteri negizinde 2022-2023 jyldarǵa arnalǵan kommýnaldyq-turmystyq sektor men halyqtyń qajettiligine baılanysty kómir ónimderi kóleminiń josparyn daıyndady. Soǵan sáıkes tutyný kólemi – 9 mln tonnaǵa jetpek. Onyń ishinde kommýnaldyq turmystyq sektor 2,2 mln tonnany paıdalansa, halyq tutynatyn qatty otynnyń kólemi 6,8 mln tonnaǵa jetedi dep boljanyp otyr.
Bıyl (23 qańtardaǵy jaǵdaı boıynsha) óńirlerge 7,6 mln tonna kómir jetkizildi, bul qajettiliktiń 84,1%-na teń.
«Bıylǵy jylytý maýsymy kezeńinde qatty otynnyń tapshylyǵyn boldyrmaý maqsatynda 2022 jyldyń 30-shy qyrkúıeginen bastap elimizden kómirdi avtomobıl kóligimen shyǵarý 6 aıǵa shekteldi, mınıstrlik arnaıy buıryq shyǵardy», dedi J.Igisinov.
Sonymen qatar vedomstvo byltyr elimizdegi ekinshi deńgeıli banktermen birlesip, qarjy jáne saýda uıymdarynyń mobıldi qosymshalary arqyly áleýmettik kómirdi satý boıynsha jobany qolǵa alǵanyn aıta keteıik. Qazir atalǵan tetik arqyly elimizdiń 9 óńirinde 17 operator kómir satyp keledi.
