foto: Polisia.kz
Oblystyq polısııa departamenti Uıymdasqan qylmysqa qarsy kúres basqarmasynyń qyzmetketkerleri Sátbaev qalasyndaǵy jeke ındýstrııalyq aımaq aýmaǵynda temir konteınerler tıelgen júk kóligin toqtatqanyn habarlady. Sondaı-aq polıseıler kásiporynnyń eki qyzmetkerin jáne Sátbaev qalasynyń eki turǵynyn ustady. Olar JShS-niń birinde júrgizýshi bolyp jumys istep, janar-jaǵarmaı jetkizýmen aınalysqan. Qyzmetkerler júktiń bir bóligin urlap, bóshkelerge quıyp, birte-birte jınaqtaǵan.
Oqıǵa ornynda 35 metall bóshke men eki sısterna tabyldy. Olardyń barlyǵyna jalpy salmaǵy 10 tonna dızel maıy quıylǵan. Keltirilgen shyǵyn kólemi shamamen 8 mıllıon teńgeni qurady.
QR Qylmystyq kodeksiniń 188-baby «Urlyq» boıynsha sotqa deıingi tergeý amaldary júrgizilip jatyr. Polıseıler ustalǵandardyń sybaılastaryn anyqtaý jumysyn bastady.
