Qoǵam • 24 Qańtar, 2023

IQALA kommýnaldyq qyzmetti úılestiredi

19 ret kórsetildi

Qazirgi tańda onlaın júıe kóptegen qyzmetti ońaılatty. Bul rette «Sıfrlandyrý, ǵylym jáne ınnovasııalar esebinen tehnologııalyq serpilis» ulttyq jobasynyń mańyzy zor. 2022-2025 jyldarǵa josparlanǵan jobanyń byltyr alǵashqy jyly márege jetti. Qaraǵandy aımaǵynda osy baǵytta josparly jumystar júzege asty.

Jaqynda turǵyn úı kommýnaldyq sharýashylyq salasynda aqyldy sandyq tehnologııanyń tyń jobasy iske qosyldy. Endi budan bylaı turǵyndar kommýnaldyq uıym­darǵa onlaın júgine alady. Qara­ǵan­dylyqtar úshin IQALA saıty kom­mýnaldyq qyzmetterdi onlaın usynady. Atap aıtqanda, jańa júıe arqyly úıde otyryp-aq kom­mýnaldyq qyzmet týraly shart jasasý, aqy tóleý jáne basqa da qyz­met­terdi onlaın iske asyrýǵa bolady.

Jobany ázirleýshiler aldaǵy ýaqytta portaldyń qyzmet kórsetý aýqymy keńeıe túsetinin alǵa tartty. Búginde portalda 26 qyzmet túri bar. Bul qyzmetter qaladaǵy iri monopolıst úsh kompanııa – «Qaraǵandy Jaryq» JShS, «Teplotranzıt-Qaraǵandy» JShS, «Qaraǵandyenergo Salasy» kompanııasyna tıesili.

Aqparattandyrý, memlekettik qyzmetter kórsetý jáne muraǵattar basqarmasynyń basshysy Rýstam Baıjanovtyń aıtýynsha, atalǵan portaldyń basty mindeti – qyzmet kórsetý úderisin avtomattandyrý, qaǵazbastylyqty joıý, qyzmet berýshimen tutynýshynyń baılanysyn jáne sybaılas jemqorlyq táýekelderin boldyrmaý. Turǵyn úı-kommýnaldyq sharýashylyq salasyn sıfrlandyrýdaǵy atalǵan joba elimizdiń birqatar qalasynda qazir sátti qoldanylyp jatyr.

– Biryńǵaı ortalyq qurý tutyný­shylardyń monopolıstermen qarym-qatynasyn jeńildetedi. Turǵyndar ýaqytyn únemdeıdi. Barlyq ótinish qysqa merzimde pysyqtalýǵa tıis. Eger júıede olqylyqtar oryn alsa, olardy dereý tolyqtyrý qajet. Meılinshe qyzmettiń kóptegen túri sıfrlanýǵa tıis, – deıdi oblys ákimi Ermaǵanbet Bólekpaev.

Jalpy, Qaraǵandy oblysynyń sıfrlandyrýǵa qatysty jetistigi birshama. Máselen, sıfrlandyrý salasynda jyl saıyn ótetin «IT KPMG Tech Awards» marapattaý saltanatynda da mártebesi tasydy. Dálirek aıtqanda, «GovTech Professional of the Year» («Eldi sıfrlandyrýǵa úles qosqan jyldyń memlekettik qy­z­metshisi») nomınasııasynda Qa­raǵandy aımaǵy «Terrıkondy alqap» IT-Hab jobasymen jeńiske jetkeni málim. Buǵan qosa «Qaýipsiz qala» jobasynyń sátti iske asyp, «Senim 109» júıesiniń tabystylyǵyn da atap ótken jón.

 

Qaraǵandy 

Sońǵy jańalyqtar

Tarazda tórt jasar balany toq soqty

Qoǵam • Búgin, 22:51

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar