Úkimet • 25 Qańtar, 2023

Shalǵaıdaǵy eldi mekender kómirmen qamtamasyz etiledi

22 ret kórsetildi

Premer-mınıstr Álıhan Smaıylov ken metallýrgııa kompanııalary qyzmetiniń ózekti máseleleri boıynsha keńes ótkizdi, dep habarlaıdy Egemen.kz Úkimettiń baspasóz qyzmetine silteme jasap.

Keńeske qatysýshylar Qazaqstan aýmaǵyndaǵy gaz salasynda Eurasian Resources Group-tyń («Eýrazııalyq top» JShS) jańa ınvestısııalyq jobalaryn iske qosý josparlaryn, sondaı-aq temirjol ınfraqurylymyn damytý jobalaryn talqylady.

Sonymen qatar keńeste ishki naryqty, ásirese shalǵaıdaǵy eldi mekenderdi kómirmen qamtamasyz etý máseleleri qaraldy.

Premer-mınıstr óńirlik operatorlardyń kómirdi bólý jónindegi qyzmetin taldaý jáne basy artyq deldaldardy aınalyp ótip, áleýmettik obektiler men halyqqa tikeleı óndirý oryndarynan otyn jetkizýdiń jańa tetigin pysyqtaý qajettigin atap ótti.

Sondaı-aq qazaqstandyq jáne ózbek ınvestorlarynyń qatysýymen eki eldiń temirjoldary arqyly júk tasymaldaýdy júzege asyrý úshin birlesken kásiporyn qurý máseleleri talqylandy.

Keńeske Qarjy, Energetıka, Indýstrııa jáne ınfraqurylymdyq damý mınıstrlikteriniń, «Qazaqstan temir joly», «QazaqGaz» ulttyq kompanııalarynyń jáne ERG kompanııasynyń basshylary qatysty.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar